web counter
LEXO PA REKLAMA!

SHKARKO APP

App Store
Google Play

E fundit!

x

KQZ thirrje partive/Sillni raportet financiare, ja afati

25 Mars 2017, 10:39, Aktualitet CNA

Komisioni Qendror i Zgjedhjeve iu ka bërë thirrje partive politike të regjistruara në Gjykatën e Tiranës të depozitojnë raportet financiare vjetore të vitit 2016. Sipas KQZ, këto raporte duhet dorëzuar jo më vonë se data 31 mars 2017.

Ja deklarata e plotë:

Në zbatim të nenit 15/2, neni 23, të ligjit nr. 8580, datë 17.02.2000, ?Për Partitë Politike?, i ndryshuar, si dhe akteve të miratuara nga KQZ, ju kujtojmë partive politike të regjistruara në Gjykatën e Rrethit Gjyqësor të Tiranës, detyrimin për të depozituar raportet financiare vjetore të vitit 2016, jo më vonë se data 31.03.2017.
Sipas ligjit ?Për Partitë Politike?, partitë politike, dorëzojnë raportet financiare vjetore një herë në vit pranë KQZ dhe duhet të jenë sipas regullave për raportimin e financimit, për monitorimin, mbikëqyrjen dhe auditimin financiar të partive politike, si edhe duhet të përmbajnë informacion të hollësishëm për:
a) burimet e financimit në bazë të formatit të standardizuar, të miratuar nga Komisioni Qendror i Zgjedhjeve;
b) shpenzimet
c) subjektet e lidhura, drejtpërdrejtë ose tërthorazi, me partitë politike apo që kontrollohen prej tyre, të cilat deklarohen nga vetë partia politike.
Raportet duhet të depozitohen nëpërmjet personave përgjegjës për financat e partive politike, sipas formateve të standardizuara për raportimet financiare vjetore të miratuara me vendim të Komisionit Qendror të Zgjedhjeve.
Theksojmë se, afati për dorëzmin e raporteve financiare nga partitë politike është jo më vonë se data 31.03.2017.

Faleminderit!





Lajmet e fundit nga