web counter
LEXO PA REKLAMA!

SHKARKO APP

App Store
Google Play

Vdes i mituri teksa po luante në oborrin e shtëpisë/ Ja çfarë thotë policia

22 Mars 2017, 13:58, Aktualitet CNA

Përmes një deklarate për mediat, policia ka përditësuar të dhënat për të sqaruar rrethanat e plota të ngjarjes, në lidhje me vdekjen aksidentale të shtetasit E.XH, 10 vjeç. Ngjarja e rëndë ka ndodhur një ditë më parë, ndërsa fëmija 10 vjeçar ka qënë duke luajtur në oborrin e banesës së tij, në Maqellarë.

“Pas kryerjes së veprimeve hetimore në vendngjarje nga grupi hetimor, u referuan materialet në Prokurorinë e Rrethit Gjyqësor Dibër, për ngjarje aksidentale. Nga veprimet e para hetimore, si dhe nga deklarimet e marra nga familjarët, dyshohet se fëmija 10 vjeçar ka gjetur vdekjen pasi:

Më datën  21.03.2017, rreth orës 18.30, në oborrin e shtëpisë së tij, shtetasi E. Xh, ka qenë duke luajtur dhe ecur me shpejtësi me një mjet Ski-Bord, (motorr me dy rrota me bateri qe luajnë fëmijët).

Gjatë lëvizjes, fëmija E. Xh., ka humbur ekuilibrin dhe është përplasur në fillim me murin rrethues ku është dëmtuar në fytyrë e në kokë dhe më pas, si pasojë e humbjes së ekuilibrit nga përplasja me murin dyshohet se është përplasur me gomën e pasme të automjetit në pronësi të të atit, mjet i cili  sipas deklarimeve të familjarëve, ka qenë i parkuar në oborr.

Në  lidhje me këtë ngjarje është sekuestruar mjeti i Ski-Bord, jane kryer veprime të tjera hetimore dhe proceduriale në lidhje me dyshimet nese ishte përplasur ose jo me gomën e pasme të automjetit.

Nga veprimet hetimore dyshohet se automjeti ka qenë i parkuar në oborr dhe jo në lëvizje, siç u deklarua në informacionin paraprak, pasi nga deklarimet e marra nga familjarët, dyshohet se mjeti ka lëvizur pasi ka ndodhur ngjarja, për të çuar në spital fëmijën e dëmtuar.

Mbeten për tu ekzaminuar pamjet filmike të kamerave të sigurisë së banesës për një hetim më objektiv”.

Në bashkëpunim me Prokurorinë po vijojnë  veprimet hetimore dhe proceduriale, për të sqaruar rrethanat e plota të ngjarjes, në lidhje me vdekjen aksidentale të shtetasit E.XH, 10 vjeç. /CityNews





Lajmet e fundit nga