web counter
LEXO PA REKLAMA!

SHKARKO APP

App Store
Google Play

E fundit!

x

Falsifikonin dokumentat për kalimin e personave jashtë kufijve/ Dy në pranga

22 Mars 2017, 13:20, Aktualitet CNA

Dy persona janë kapur nga blutë e Durrësit, pasi falsifikonin dokumentat me qëllim kalimin e personave jashtë kufijve. Specialistët e Sektorit të Krimit Ekonomik dhe Financiar, kanë finalizuar operacionin e koduar”Sogiorno”, duke bërë të mundur arrestimin e  dy personave. Këta shtetas falsifikonin dokumentat dhe letërnjoftimet, me qëllim kalimin e personave jashtë kufijve.

Specialistët e Sektorit për Hetimin e Krimit Ekonomik dhe Financiar në Drejtorinë Vendore të Policisë Durrës, pas një hetimi 1- mujor, me metoda speciale, kanë finalizuar me sukses operacionin e koduar”Sogiorno”.

Në pranga kanë rënë shtetasit Hasan Milushi, 50 vjeç, dhe Fatmir Stankova, 49 vjeç, të dy banues në Tiranë.

Specialistët për Hetimin e Krimit Ekonomik kanë bërë të mundur dokumentimin ligjor të veprimtarisë kriminale e dyshuar, e kryer nga shtetasit e mësipërm,  të cilët dje,  tek Rruga e “Kavajës”, Tiranë, janë kapur në flagrancë duke shkëmbyer disa dokumenta italiane dhe fotografi të personave të ndryshëm,  të cilat dyshohen se janë të falsifikuara.

Nga ana e policise vijon puna për identifikimin e  personave të tjerë të implikuar në këtë aktivitet kriminal dhe zbulimin e vendit ku kryhej falsifikimi i dokumentave.

Materialet i kaluan Prokurorisë së Rrethit Gjyqësor Durrës, për veprime të mëtejshme, për veprat penale”Falsifikimi i dokumentave”dhe” Falsifikimi i letërnjoftimeve, pasaportave ose i vizave”. /CityNews

 





Lajmet e fundit nga