web counter
LEXO PA REKLAMA!

SHKARKO APP

App Store
Google Play

Vrasja në Devoll/ Policia zbardh ngjarjen, arrestohet autori

19 Mars 2017, 20:23, Aktualitet CNA

Policia e Korçës ka zbardhur dhe dokumentuar ngjarjen e ndodhur ditën e djeshme në fshatin Braçanj, ku pas një konflikti me sende të forta gjeti vdekjen një person dhe një tjetër mbeti i plagosur.

Burime nga Policia bëjnë me dije se është  arrestuar autori i dyshuar i ngjarjes, si edhe njëri prej të dëmtuarve, për veprën penale: “Deklaratat e rreme përpara oficerit të Policisë Gjyqësore”.

Mësohet se shtetasi i arrestuar si i dyshuar për krimin e ndodhur dje është David Myrte, 25 vjeç, banues në fshatin Braçanj-Devoll. Arrestimi i tij u bë pasi më datë 18.03.2017, në afërsi të fshatit Braçanj, pas një konflikti për motive të dobëta, ka goditur me mjete të forta shtetasit Z.A, 39 vjeç, banues në fshatin Vërdovë Pogradec, D.T, 39 vjeç, banues në Vreshtas- Maliq dhe shtetasin Mendar Burnazi, 42 vjeç, banues në Nizhavec Pogradec.

Si pasojë e plagëve të marra, ka gjetur vdekjen në Spitalin e Korçës, shtetasi Z.A. Në vijim të hetimeve për zbardhjen e plotë të rrethanave të kësaj ngjarje, u bë arrestimi edhe i shtetasit Mendar Burnazi, pasi dyshohet të ketë deklaruar të dhëna të rreme përpara organeve policore, për mënyrën e ndodhjes së ngjarjes.

Materialet në ngarkim të tyre i kaluan Prokurorisë të Rrethit Gjyqësor Korçë për veprat penale: “Vrasja me paramendim” dhe “Plagosja e rëndë me dashje, kryer në bashkëpunim” si edhe “Deklaratat e rreme përpara oficerit të Policisë Gjyqësore.





Lajmet e fundit nga