web counter
LEXO PA REKLAMA!

SHKARKO APP

App Store
Google Play

E fundit!

x

Nishani: Kandidatura e Xhafës, e papërshtatshme

19 Mars 2017, 17:21, Aktualitet CNA

Presidenti i Republikës Bujar Nishani ka dalë sot në një konferencë për shtyp ku ka folur për dekretimet e ministrave të rinj të propozuar nga kryeministri Edi Rama, në veçanti për kandidaturën e Ministrit të Brendshëm Fatmir Xhafaj.

Gjatë fjalës së tij, Nishani tha se nëse Kushtetuta do tja lejonte, ai nuk do e dekretonte Fatmir Xhafën si Ministër i Brendshëm. Sipas tij, e kaluara e tij dhe akuzat e disa shtetasve se Xhafa i ka torturuar në kohën e diktaturës, janë arsyet se pse ai nuk do e dekretonte deputetin e PS si ministër.

Nishani i kërkoi parlamentit të vlerësojë me kujdes kandidaturën e Ministrit të Brendshëm si dhe depolitizimin e Policisë së Shtetit si faktor kyç në garantimin e rendit, sigurisë dhe zgjedhjeve.

?Procesi i shkarkimit dhe i emërimit të ministrave për shkak të situatës politike. Jemi në një situatë të tensionuar politike, pasi opozita e vendit ka artikuluar kërkesën për të garantuar zgjedhje të lira.
Më e veçanta e specifikës është tek Ministria e Brendshmë. Për fatin e keq gjatë vitetve të fundit është konstatuar nëj politizim i tejskajshëm i Policisë së Shtetit. Është konstatuar shqetësimi i madh i partnerëve ndërkombëtarë i trafikut të kanabisit. Konstatimi i lidhjeve të krimit me politikën. Kjo situatë kërkon një vëmendje të madhe tek Ministria e Brendshme, sepse ka një rol parësor në menaxhimin e procesit zgjedhor. Policia e Shtetit ka garantimin e rendit dhe sigurisë.
Së dyti, Ministria e Brendshme ka përgjegjësi në lidhje me garantimin e infrastukturës së pushtetit lokal. Prefektët janë në varësi të Ministrit të Brendshëm.
Së treti, Ministria e Brendshme është prodhuese e listave të votuesve në bashkëpunim me pushtetin lokal.
Janë këto shtylla kryesore të përgjegjësive të Ministrisë së Brendshme.
Kam ndjekur shqetësimet që akuzojnë kandidaturën e Ministrit të Brendshëm gjatë hetimit. Në këto rrethana të rëndësisë që ka angazhimi i strukturave të Ministrisë së Brendshme dhe personi që duhet të drejtojë për garantimin e paanshëm në në të drejtat themelore, në vlerësimin tim kanditatura e Ministrit të Brendshëm është e papërshtatshme. Por kushtetuta nuk ja jep të drejtën Presidentit të Republikës të refuzojë një kandidaturë.
Në rast se Kushtetuta do tja njihte të drejtën Presidentit për të refuzuar propozimet, unë do ta refuzoja. Në këto raste, unë besoj se ai institucion që ja njeh të drejtën do të gjykojë dhe do të drejtojë të gjitha rrethanat që ka jeta publike, shoqërore dhe politike që janë zgjedhjet e ardshme.
Ajo që do ti kërkoja parlamentit, është nisja e menjëhershme e depolitizimit të Policisë së Shtetit?,tha Nishani





Lajmet e fundit nga