Ahmetaj sulmon Berishën/Ja si mashtroi me “doganierin dixhital”

19 Mars 2017, 13:49, Aktualitet CNA

Ministri i Financave, Arben Ahmetaj, ka sulmuar ish-kryeministrin Sali Berisha. Përmes një reagimi në rrjetet sociale, Ahmetaj tregon si mashtron Berisha përmes ?doganierit të tij dixhital?.

Sipas ministrit, ?doganieri dixhital? e dezinformoi dje Doktorin me një sms se në Doganën e Tiranës nuk po lejohet hapja dhe kontrolli i kontenierëve me mallra akcize.

Në lidhje me këtë, Ahmetaj sqaron se ?doganieri Real? ka një mesazh për Doktorin dhe kolegun e tij dixhital.

Ja reagimi:
Ja si mashtron Doktori përmes ?doganierit të tij dixhital?:
?Doganieri dixhital? e dezinformoi dje sërish Doktorin me një sms se në Doganën e Tiranës nuk po lejohet hapja dhe kontrolli i konteinerëve me mallra akcize dhe për ta bërë më të besushme, e shoqëron me një foto të turbullt të praktikës së tranzitit.
?Doganieri Real?, ka një mesazh për të sqaruar Doktorin dhe kolegun e tij dixhital.
?Lidhur me denoncimin e ?Doganierit Dixhital? ditën e djeshme për një rast korruptiv në Degën Doganore të Tiranës, tranziti i raportuar në datën 10.03.2017 nga Dega Doganore Kapshticë ka mbërritur po në date 10.03.2017 në orën 14:45.
Subjekti në fjalë ende nuk ka deklaruar mallin në Degën Doganore të Tiranës dhe është në territor doganor. Në mbështetje të nenit 74 të Kodit Doganore, subjekti, për transportimet në rrugë tokësore duhet të deklarojë brenda 5 ditëve. Subjekti ende nuk ka deklaruar dhe në zbatim të nenit 274 të Kodit Doganor po penalizohet me një gjobë 20.000 lekë në ditë për cdo tejkalim afati sipas përcaktimeve ligjore.
Në mbështetje të kuadrit ligjor, pas tejkalimeve të afateve për deklarim struktura doganore ka të drejtë të lajmërojë Agjensinë Doganore dhe Subjektin dhe të kryejë hapjen e mallit me një Komision të posacëm.
Administrata doganore operon në bazë të profileve të riskut dhe informacioneve në rrugë operative të strukturave të saj, dhe jo më larg se disa ditë më pare i njëjti subjekt, nga një kontroll I ushtruar për një praktikë tjetër, është penalizuar me një detyrim doganor dhe penalitete deri në 5-fish?.
Ju lutem Ministër publikojeni këtë sms se e kuptoj që Doktori e ka humbur ne boten e tij dixhitale, por qytetarët nuk janë në cadër, qytetaret meritojnë të sqarohen dhe të informohen drejt. Faleminderit, Doganieri real?./CityNews