web counter
LEXO PA REKLAMA!

SHKARKO APP

App Store
Google Play

E fundit!

x

(Video) Rama i përgjigjet opozitës/ Nuk ka qeveri teknike, jam i gatshëm të vij në çadër

19 Mars 2017, 16:14, Aktualitet CNA

Kryeministri Edi Rama, ka zhvilluar sot komunikimin e përjavshëm javor në rrjetet sociale, ku hodhi poshtë kërkesën e opozitës për qeveri teknike. Sipas tij, oferta për qeveri teknike, për shtyrjen e zgjedhjeve dhe për bllokimin e vettingut, nuk ka për të ardhur asnjëherë.

?Cadra e ngritur si kështjellë rëre di vetëm cfarë nuk do. Lajmi për qeveri teknike nuk ka për të ardhur asnjëherë. As lajmi për bllokimin e vettingut nuk ka për të ardhur asnjëherë. Edhe lajmi për shtyrjen e zgjedhjeve nuk ka ardhur asnjëherë?, tha Rama

Më tej, kryeministri tha se PD kërkon të fusë vendin në krizë, por sipas tij kjo është kriza e një partie që nuk ka lider. Ai tha se është i gatshëm të dialogojë me opozitën, edhe në çadër nëse është e nevojshme, në lidhje me sistemin zgjedhor sipas rekomandimeve të OSBE ? ODHIR.

?PD kërkon të fusë vendin në krizë, por kjo nuk është kriza e Shqipërisë, por kriza e një partie që nuk ka lider.

PD ka zgjedhur të lëshojë ultimatume dhe të kërcënojë se po nuk u pranuan do të fusë vendin në kaos.

Jam dhe do të jem i gatshëm të dialogojmë, edhe në çadër nëse është  e nevojshme. Jemi të hapur të ndërhymë në kod zgjedhor për ta bërë PD-në të ndjehet sa më e garantuar në zgjedhje sipas rekomandimeve të OSBE-ODHIR?, vijoi ai

Rama theksoi se kontrata e qeverisë me popullin është 4 vjeçare dhe mbyllet në 18 qershor. Sips tij, as qeveria  dhe as opozita nuk kanë në dorë ndryshimin e datës së zgjedhjeve.

?Kontrata 4 vjeçare e qeverisë me popullin nuk mund të varet nga kërkesat e opozitës, pasi është populli që do të vendosë më 18 qershor.

As opozita as qeveria nuk kanë gjë në dorë për datën e zgjedhjeve, sepse data është e përcaktuar në kushtetutë? , tha ai





Lajmet e fundit nga