web counter
LEXO PA REKLAMA!

SHKARKO APP

App Store
Google Play

E fundit!

x

Tirana ndahet në dy klane/Rama dublon Tahirin, ja “detyra” e re e Veliajt

19 Mars 2017, 09:08, Aktualitet CNA

Rivaliteti mes Erion Veliajt dhe Saimri Tahirit duket se do të vazhdojë edhe pasi ky i fundit u lirua nga detyra e ministrit të Brendshëm. Veliaj dhe Tahiri kanë nisur përplasjet e ashpra prej kohësh, duke synuar të jenë pasardhësit e kryeministrit Edi Rama, pra të marrin drejtimin e Partisë Socialiste.

Kreu i qeverisë, Edi Rama, nuk lejoi që zgjedhjet për degën e PS së Tiranës të zhvilloheshin ashtu si në çdo degë tjetër të vendit, duke bërë që këtë post ta vijojë ta mbajë ish-ministri i Brendshëm, Saimir Tahiri. Ish-ministri Tahiri është krahu i djathtë dhe më i afërt i kryeministrit Edi Rama dhe është cilësuar si një nga ministrat më të suksesshëm të kësaj qeverie. Kjo u pa më herët si një lëvizje e Ramës për të treguar se ja beson Tiranën Tahirit, si bastioni më i rëndësishëm për zgjedhjet e 18 qershorit. Por, në organizimin e fushatës elektorale për Tiranën është angazhuar edhe kryebashkiaku Erion Veliaj. Kryeministri Edi Rama ka dubluar Saimir Tahirin me Erion Veliajn, duke e angazhuar këtë të fundit për organizimin e fushatës elektorale, shkruan ?Sot?.

Edhe pse Tahiri është koordinator, mësohet se Rama i ka kërkuar Veliajt që të merret me organizmin dhe në këtë mënyrë janë krijuar dy klane. Kryebashkiaku Erion Veliaj ka fituar simpati nga qytetarët e Tiranës me disa punë të tij. Meqenëse Veliaj ka fituar popullaritet dhe simpati, Rama vendosi që ta dublojë me Tahirin, për të fituar sa më shumë mbështetje dhe vota në 18 qershor. Sidoqoftë, Saimir Tahiri do të mbetet në krah të Edi Ramës dhe do të vijojë të jetë drejtuesi politik i PS së Tiranës. Tashmë, Tirana është ndarë në dy klane. Saimir Tahiri mbështetet nga deputetët si Xhemal Qefalia dhe Eduard Abazi, si dhe socialistë të tjerë që e njohin nga afër ish-ministrin. Ndërsa Erion Veliaj mbështetet nga Ervin Bushati, Pandeli Majko dhe Vasilika Hysi.

Ata në aktivitetet elektorale janë parë të shoqëruar me këta deputetë. Por ka një luftë të brendshme edhe në PS. Socialistët janë ndarë më dysh si mbështetës të Tahirit dhe Veliajt për karrierën e tyre politike. Kështu, Veliaj do të jetë aktiv në organizimin e fushatës elektorale. Dje, kreu i Bashkisë së Tiranës, Erion Veliaj, njëkohësisht edhe anëtar i kryesisë së PS, ka nisur zyrtarisht fushatën në kryeqytet për zgjedhjet e 18 qershorit. Ai është takuar me anëtar dhe simpatizantë të njësisë nr.8 në Tiranë ku foli për një sërë investimesh në zonë në dy vitet e fundit, duke e transformuar këtë njësi./CityNews





Lajmet e fundit nga