web counter
LEXO PA REKLAMA!

SHKARKO APP

Detajet/ Pritë 3 qytetarëve, si u masakrua për vdekje 38-vjeçari në Devoll

19 Mars 2017, 07:26, Aktualitet CNA

Policia ka reaguar për ngjarjen e rëndë të ndodhur në Devoll, ku një person është masakruar për vdekje.

Sipas policisë, janë sulmuar dhe goditur me mjete të forta 3 persona, të cilët kanë qenë duke ikur për Greqi.

Ata janë dërguar menjëherë në Spitalin e Korçës për të marrë mjekim, por njëri prej tyre nuk ka mundur të jetojë nga plagët e rënda.

Ja njoftimi i plotë i policisë:

Më datë 18.03.2017 jemi njoftuar se në fshatin Braçanj tre shtetas, të cilët do iknin për në Greqi, janë sulmuar dhe goditur me mjete të forta nga disa persona, ku iu janë marrë edhe sendet personale.
Konkretisht shtetasit M.V, rreth 40 vjeç nga fshati Nizhdavec-Maliq dhe shtetasi Z.A, rreth 44 vjeç, banues në fshatin Vërdovë Pogradec, u transportuan në Spitalin e Korçës për të marrë mjekim ku si pasojë e plagëve të marra ky i fundit (Zarif Allihu) ka ndërruar jetë.

Në Komisariatin e Policisë Devoll ndodhet shtetasi tjetër D.Sh, rreth 40 vjeç, të cilit po i merren deklaratat përkatëse në lidhje me këtë ngjarje.
Nga ana e Policisë po punohet për sqarimin e rrethanave të ngjarjes, identifikimin dhe kapjen e autorëve./CityNews





Lajmet e fundit nga