Thellohet “lufta” në koalicion/Gratë e PS-së kundër LSI-së, ja përplasjet

19 Mars 2017, 08:46, Aktualitet CNA

Përplasjes mes partive të koalicionit qeverisës po merr çdo ditë e më shumë përmasa të gjera. Sikur të mos mjaftonte vetëm ?lufta? mes krerëve të koalicionit, Edi Rama dhe Ilir Meta, tashmë në lojë janë futur edhe gratë e koalicionit mazhoritar. Ka qenë deputetja e LSI-së, Monika Kryemadhi, që ka ndezur ?zjarrin?, pas akuzave që lëshoi në drejtim të Maturës Shtetërore. Kryemadhi tha se LSI për hir të koalicionit ka bërë kompromise të gabuara dhe në dëm të maturantëve.

?Kemi pranuar ligje, që në njëfarë mënyre e kanë cenuar, siç ishte dhe ligji për Maturën Shtetërore. Ky ligj ka cenuar jo vetëm dinjitetin e nxënësve, të cilët me nota dhe mesatare shumë të mirë nuk iu dha e drejta për të ndjekur arsimin e lartë. Kjo i ka diskriminuar ato dhe ka cenuar të gjithë sistemin arsimor në Shqipëri?, tha Kryemadhi.
I menjëhershëm dhe po aq i ashpër ishte reagimi i ministres së Arsimit, Lindita Nikolla, e cila e cilësoi si një sulm për vota.

?Asgjë nuk është perfekte dhe gjithshka është e përmirësueshme, padyshim edhe kjo praktikë e re dhe e suksesshme. Por të lutem sinqerisht, të mos cënojmë arritjet tona të padiskutueshme për disa vota më shumë në 18 qershor. Sepse votat kanë rëndësi për partitë, por mostrazimi i nxënësve që po përgatiten për Maturën Shtetërore të këtij viti dhe i prindërve të tyre, ka rëndësi për të gjithë ne, pavarësisht partive?, tha Nikolla.

Përplasja është thelluar edhe më tej me deputeten e PS-së, Blerina Gjylameti, e cila tha se ka garë edhe brenda koalicionit për rezultatin në zgjedhje. Por, sipas saj, PS-ja mbetet lokomotiva, ndërsa partitë e tjera të koalicionit, duke përfshirë këtu dhe LSI-së, janë vagonë që e ndjekin.

“Kur diskutojmë koalicion me koalicion, shikojmë qasje të ndryshme, por dhe brenda koalicionit jemi konkurrentë me njëri-tjetrin. Sa më shumë të punohet, aq më e fortë është partia që kryeson. Ne jemi një pari lokomotivë, të tjerët kanë të bëjnë me vagonët që i bashkëngjiten. PS është forca e vetme transformuese dhe forca e vetme udhëheqëse, ndërsa të gjithë të tjerët i bashkëngjiten. Një parti e madhe për t’u bërë më e madhe e ka pak më të vështirë, një parti më e vogël për t’u bërë pak më e madhe e ka më të lehtë”, tha Gjylameti.

Por, një javë më parë, ishte ministrja e Integrimit, Klajda Gjosha, e cila do të shfaqte hapur ambiciet e LSI-së për të pasur Ilir Metën kryeministër.

?Nuk është sekret që ne duam që Meta të jetë kryeministër. Ai është njeri që i ka dhënë shumë dialog dhe konstruktivitet politikës shqiptare?, tha ministrja e LSI-së./CityNews