web counter
LEXO PA REKLAMA!

SHKARKO APP

App Store
Google Play

Rama katandis 55 mandate

17 Mars 2017, 10:19, Aktualitet CNA

Kreu i qeverisë, Edi Rama, dhe partia e tij socialiste, dje zyrtarisht është katandisur në vetëm 55 mandate deputetësh. Votimi për shkarkimin e kreut të AMF-së tregoi publikisht se grupi parlamentar i PS-së nga 65 mandate të fituara në vitin 2013, është rrudhur në vetëm 55.

Votimi kundër i 20 deputetëve të LSI-së ishte një sinjal publik, i cili tregoi gjendjen e vërtetë të grupit socialist dhe peshën që ka në mbajtjen e qeverisë Ilir Meta dhe LSI.

Deputetët e larguar, siç janë Ben Blushi, Mimoza Hafizi, Eduart Ndocaj, Armando Prenga, etj, pa lënë mënjan këtu edhe të përjashtuarit, si Tom Doshi, kanë bërë që grupi parlamentar socialist të ketë minimumin historik të votave përfaqësuese në parlament që nga viti 2013.

Edi Rama si kryetar i PS-së dhe kryeministër ka vetëm 55 mandate të sigurta. LSI dhe PDIU me veprimin e djeshëm folën më pak, duke treguar cilët janë numrat e vërtetë që ka Edi Rama në Parlament.

Zyrtarisht nga dje kemi një qeveri, ku kryeministri përfaqësohet nga 55 mandate dhe që qeveria të qëndrojë në këmbë duhet mbështetja e LSI-së dhe PDIU-së./CityNews





Lajmet e fundit nga