web counter
LEXO PA REKLAMA!

SHKARKO APP

App Store
Google Play

E fundit!

x

Foto-ekskluzive/Identifikohen autorët e dhunës ndaj gazetarit Elvi Fundo

17 Mars 2017, 19:19, Aktualitet CNA

Policia e Shtetit ka identifikuar autorët që dhunuan në mes të ditës gazetarin investigativ, Elvi Fundo. Policia ka bërë disa shoqërime dhe ka publikuar fotot e autorëve, duke kërkuar ndihmë për identifikimin sa më shpejt të tyre.

Fotot janë kapur nga kamerat e ambienteve pranë vendit të ngjarjes, te stacioni i autobusëve, pranë Stacionit të Trenit. Nga fotot e siguruara nga CityNews, duken dy autorët e dyshuar të mbuluar me kapuça. Ndërkohë, policia ka vënë në dispozicion numrin dhe një shpërblim për çdo informacion që do jepet. Ndërsa, vijojnë hetimet për zbardhjen e plotë të ngjarjes dhe identifikimin e autorëve.

Gazetari Fundo u dhunua ditën e 8 marsit, rreth orës 10:30 të paradites, te Stacioni i Trenit, duke përfunduar në spital nga plagët e rënda.

Për ngjarjen kanë reaguar organizatat ndërkombëtare, si: OSBE, Reporterët pa kufij, shoqatat e mediave, Unioni i Gazetarëve, Shoqata e Gazetarëve Profesionistë, AMA, si dhe autoritetet më të larta politike, Presidenti Bujar Nishani, kryeministri Edi Rama, kryedemokrati Lulzim Basha, dhe drejtues të partive politike kryesore në vend.

Njoftimi i plotë i policisë

Kërkojmë ndihmën e qytetarëve për të bërë të mundur identifikimin e dy shtetasve, të cilët më datë 08.03.2017, rreth orës 10:30, në rrugën ?Asim Vokshi?, pranë stacionit të autobuzave, kanë goditur me mjete të forta shtetasin E. F., i cili ndodhet jashtë rrezikut për jetën.

I lutemi qytetarëve, se për ç’do informacion që mund të kenë në ndihmë, për të bërë të mundur identifikimin e tyre, të kontaktoni në numrin e emergjencave 112 ose në numrat e telefonit 0694110202 dhe 0694100134.

Policia e Tiranës, siguron ruajtien e kofidencialitetit të tyre./CityNews





Lajmet e fundit nga