web counter
LEXO PA REKLAMA!

SHKARKO APP

App Store
Google Play

Drogë për në Turqi/ Kapen në Kapshticë 79 kg kanabis

17 Mars 2017, 14:58, Aktualitet CNA

Një 41 vjeçar është arrestuar, pasi posedonte 79 kg kanabis.  Shërbimet e Policisë Kufitare të Kapshticës kanë bërë të mundur arrestimin në flagrancë të shtetasit Ardian Dula, 41 vjeç, banues në Tiranë. Ai kishte fshehur drogën brenda një kamioni, ndërsa destinacioni ishte Turqia.

?Më datë 17.03.2017, ky shtetas u paraqit në dalje të Republikës së Shqipërisë, me mjetin tip kamion të markës ?Scania?, me targa AA579ON dhe rimorkio me targë TR7326K.

Nisur nga dyshimet e shfaqura, ky mjet u përzgjodh nga shërbimet e Policisë Kufitare, për verifikim në vijën e dytë. Gjatë kontrollit në skaner, u shfaqën dyshime se në pjesën e tavanit të rimorkios, mund të ishte fshehur lëndë e dyshuar narkotike.

Konkretisht në brendësi të tubave të cilat mbanin skeletin e mbulesës së rimorkios, u konstatuan tuba të tjerë me ngjyrë portokalli, brenda të cilëve u gjet dhe sekuestrua në cilësinë e provës materiale 79 kg lëndë e dyshuar narkotike e llojit Cannabis Sativa”, deklaron policia.

Veprimet proceduriale të rastit u kryen nga Specialistët e Seksionit për Narkotikët, në Drejtorinë Vendore të Policisë Korçë. Materialet për hetime të mëtejshme i kaluan Prokurorisë të Krimeve të Rënda në Tiranë. /CityNews 

 





Lajmet e fundit nga