E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

DASH godet me “shuplakë” Ramën/Qeveria rrezik për rajonin

17 Mars 2017, 18:21, Aktualitet CNA

Reagime të ashpra kanë ardhur në radhët e politikës pas publikimit të raportit të DASH mbi trafikun e drogës në vendin tonë.

Në raportin e DASH, Shqipëria renditej te vendet që trafikohej më shumë drogë dhe ku qarkullonin më shumë para të pista. Mes reagimeve është edhe ai i kreut të Partisë Demokristiane, Nard Ndoka.

Ky i fundit deklaron se DASH goditi me ?shuplakë? qeverinë. Sipas tij, qeveria aktuale është rrezik për vendin dhe rajonin.

Ja reagimi i plotë:

– DASH, godet me ‘shuplake’ qeverinë.
– Qeveria aktuale rrezik per vendin dhe rajonin.
– Largimi i kesaj mazhorance emergjencë kombëtare!
Departamenti i Shtetit e ka futur zyrtarisht Shqipërinë në listën e Vendeve Kryesore të Pastrimit të Parave në botë.
Sipas përcaktimeve ligjore, qeveria amerikane konsideron Vend Kryesor të Pastrimit të Parave një vend ?institucionet financiare të të cilit janë të përfshira në transferta parash që përfshijnë sasi të ndjeshme të ardhurash që burojnë nga trafiku ndërkombëtar i drogës.?
Ky vendim është bërë i njohur në Raportin e Departamentit Amerikan të Shtetit për Kontrollin e Narkotikëve për vitin 2017, i cili sapo është bërë publik.
Raporti përgatitet çdo vit nga Departamenti i Shtetit për Kongresin e SHBA-ve dhe mbulon gjendjen dhe përpjekjet vendeve të ndryshme të botës në luftën kundër drogës dhe pastrimit të parave.
Raporti i këtij viti, që mbulon vitin 2016, thekson se Shqipëria është bazë e krimit të organizuar, pikë e rëndësishme e trafikut ndërkombëtar të drogës, vend ku pastrohen lehtë paratë dhe ku sundon korrupsioni i shfrenuar.
Gjetjet kryesore të raportit janë:
– Shqipëria është bazë për operacionet rajonale të organizatave të krimit të organizuar.
– Shqipëria prodhon dhe trafikon sasi të konsiderueshme marjuane, kryesisht për tregun Europian.
– Shqipëria është vend tranziti për heroinën dhe kokainën afgane.
– Shqipëria shërben si një pikë kyçe për shpërndarjen e heroinës në të gjithë Europën.
– Paratë e krimit pastrohen me lehtësi në Shqipëri.
– Shqipëria ka korrupsion të shfrenuar dhe institucione të dobëta.
– Shqipëria ka kontroll të dobët të kufijve dhe zbatim të dobët të ligjit në dogana, çfarë lehtëson trafiqet e paligjshme.
– Pasuritë e paluajtshme, veçanërisht në zonat bregdetare, projektet e zhvillimit të biznesit, dhe lojrat e fatit janë metodat më popullore të fshehjes së të ardhurave kriminale.
– Organizatat e zbatimit të ligjit janë joefikase në luftën kundër pastrimit të parave.
Ky është raporti me kritik per qeverisjen tonë në keto 25 vite!
Rilindja na turperoi të gjithëve, tashme qeveria teknike, ndoshta nuk mjafton pa një pastrim paraprak të shkaktarëve të kesaj krize dhe papergjegjshmerisë në qeverisje!
Dita e gjykimit qytetar është me e forte, se vettingu i mbetur në letër!/CityNews