web counter
LEXO PA REKLAMA!

SHKARKO APP

App Store
Google Play

E fundit!

x

Lu-Vlahutin nxitës të dhunës?!/Çfarë fshihet pas heshtjes ndaj gazetarit Fundo

16 Mars 2017, 13:57, Aktualitet CNA

Ka kaluar më shumë se një javë nga dhuna barbare e ushtruar ndaj gazetarit dhe drejtuesit të platformës mediatike online CityNews.al, Elvi Fundo, dhe akoma nuk ka asnjë reagim nga ambasadorët e akredituar në Tiranë. Ambasadori i SHBA, Donald Lu, dhe ajo e BE, Romana Vlahutin, njihen si dy ambasadorët më aktivë në vendin tonë, të cilët dëshirojnë të ?fusin hundët? në çdo çështje, por siç duket për ta nuk është aspak e rëndësishme dhuna e ushtruar ndaj një personazhi mediatik, në mes të ditës dhe në një ndër zonat më të populluara të kryeqytetit.

Autoritetet shqiptare, AMA, UGSH, gazetarë e personalitete të shumtë në vend shprehën solidaritetin me gazetarin Fundo dhe dënuan dhunën e ushtruar ndaj tij. Madje, ngjarja e rëndë mori përmasa ndërkombëtare, teksa u pasqyrua edhe në faqet e disa nga mediat më të rëndësishme në Evropë, e deri në SHBA.

Ngjarja nuk preku vetëm dy ambasadorët e ?famshëm?, që çuditërisht për disa shihen dhe si ?Zoti? që do ndriçojnë Shqipërinë. Ja pra, dy ambasadorë mjaft të rëndësishëm dhe me peshë, nuk marrin mundimin as të thonë dy fjalë, për të dënuar dhunën, dhe jo më për t?u përfshirë në zbardhjen e saj dhe kapjen e autorëve. Dy njerëzit, që politika shqiptare ju besoi drejtësinë, duke iu rezervuar vendin ?e nderit? mbrëmjen e 21 korrikut, kur do të miratohej dhe reforma në drejtësi. Ata që pretendonin se po bënin gjithçka për këtë reformë kaq të rëndësishme për vendin, nga ana tjetër nuk iu bën aspak përshtypje që një gazetar, i cili ka hedhur dritë mbi disa skandale politike e më gjerë, rrihet padrejtësisht në rrugë.

Çfarë duhet të besojmë vallë pas kësaj heshtjeje?!
Që ?çifti simpatik? Lu e Vlahutin nuk e duan drejtësinë e vërtetë në Shqipëri, por janë pjesë e asaj ?drejtësie? të korruptuar e kriminale që ka zënë rrënjë në vendin tonë. Që, dashur pa dashur, me heshtjen e tyre bëhen pjesë e këtij krimi.

Unioni i Gazetarëve Shqiptarë iu drejtua sot me një letër publike dy diplomatëve, duke iu kërkuar të ndihmojnë në hetimin e ngjarjes, duke e cilësuar si atentat ndaj gazetarit.

?UGSH kërkon nga institucionet diplomatike të ushtrojnë presionin e tyre dhe të ndihmojnë në hetimet e plota të kësaj çështjeje që ishte një atentat ndaj një gazetari kritik, aktiv dhe kolegu i cili nesër mund të jetë dikush tjetër nga ne?, shkruhet në letrën e UGSH.

Mbetemi në pritje të një reagimi nga ana e ambasadorëve, të cilët këtë radhë mbase vendosin të thyejnë heshtjen./CityNews





Lajmet e fundit nga