web counter
LEXO PA REKLAMA!

SHKARKO APP

App Store
Google Play

KQZ regjistron 6 parti politike për zgjedhje/Ja cilat janë

15 Mars 2017, 14:54, Aktualitet CNA

Komisioni Qendror i Zgjedhjeve (KQZ) regjistroi në mbledhjen e ditës së sotme  6 parti politike si subjekte zgjedhore, që do të garojnë në zgjedhjet parlamentare të 18 qershorit.

Me votat e të gjithë anëtarëve, KQZ miratoi regjistrimin e Partisë Drejtësi, Integrim dhe Unitet, me kryetar Shpëtim Idrizin dhe shkronja nistore PDIU; partinë Aleanca Demokratike, me kryetar Eduard Abazi dhe shkronja nistore AD; partinë Personat me Aftësi të Kufizuar me kryetar Afrim Jeshili dhe shkronja nistore, PAK; partinë e Unitetit Kombëtar me kryetar Idajet Beqiri dhe gërma nistore PUK; Partinë Socialiste të Moderuar me kryetar Gjergji Koja dhe shkronja nistore PSM; dhe partinë Aleanca për Demokraci dhe Solidaritet me kryetar Gaqo Apostoli dhe shkronja nistore, ADS.

Në nisje të mbledhjes së sotme përfaqësuesi ligjor i Partisë Demokratike, Ivi Kaso, u ankua ndaj kryetarit të KQZ-së, Denar Biba, lidhur me trajtimin që ky ky institucion po i bën çështjeve të dekriminalizimit.

?KQZ është në shmangie të këtij detyrimi ligjor. Përcjell këtu shqetësimin e PD-së se ju po i trajtoni çështjet e dekriminalizimit sikur i përkasin vetëm KQZ-së, por ky është një trajtim i gabuar. Nuk janë njësoj humbja e mandateve të të zgjedhurve me dietat e shoferëve?, u shpreh Kaso.

Në përgjigje të shqetësimit të përfaqësuesit të opozitës, kryetari i KQZ-së, Biba siguroi se interesimin e drejtpërdrejtë të PD-së për dekriminalizimin e ka ndarë dhe me ndërkombëtarët.

?Nuk do të ketë problematika për këtë çështje?, tha ai./CityNews





Lajmet e fundit nga