web counter
LEXO PA REKLAMA!

SHKARKO APP

App Store
Google Play

Rama-Nikolla ligj të pacipë dhe vdekjeprurës/Gjendje ulëritëse në shkolla!

14 Mars 2017, 10:10, Aktualitet CNA

Akademiku Artan Fuga, i njohur për kritikat e tij të ashpra ndaj ligjit të arsimit të lartë, vijon të sulmojë kryeministrin dhe ministren e Arsimit për këtë ligj.

Në një reagim të fundit në rrjetet sociale, Fuga e cilësoi këtë ligj si të pacipë, që sipas tij, i ka dhënë sistemit arsimor shqiptar një goditje vdekjeprurëse.

Më tej, Profesori shton se gjendja e shkollave në gjithë vendin është e mjerueshme, në atë pika sa shkakton vetëm ulërima.

Ja çfarë shkruan Fuga:

Kam salla dhe auditore me studentë të niveleve të ndryshme në Shqipëri dhe jashtë saj, në Universitetet publike dhe në një Universitet dinjitoz privat në Shqipëri, sikurse është Polisi, por mbetem një profesor i Universitetit të Tiranës dhe bëj çmos që emri i tij të mbijetojë ndaj ligjit të pacipë të arsimit të lartë që i ka dhënë atij dhe gjithë arsimit shqiptar një goditje vdekjeprurëse.

Sot jashtë vendit kam studentë afrikanë, kinezë, europianë, birmanë, indonezianë, gjithëfarësoj, por në asnjë nga këto grupe kombësish nuk kam parë pasojat e një goditjeje kaq të rëndë sa ka marrë intelekti i rinisë shqiptare në situatën kur ai ka mbërritur sot.
Gjendja e shkollave anembanë vendin është e mjerueshme në atë pikë kur vetëm ulërima mund të shkaktojë po ta mendosh si duhet./CityNews





Lajmet e fundit nga