web counter
LEXO PA REKLAMA!

SHKARKO APP

App Store
Google Play

E fundit!

x

Kundërshtari i Ilir Metës në krye të Ministrisë së Brendshme

14 Mars 2017, 11:57, Aktualitet CNA

Edi Rama lëshoi një ndër ministrat më të afërt të tij, Saimir Tahirin. Ky i fundit është sulmuar pafund nga opozita, por edhe nga LSI-ja. Megjithatë, për kryeministrin Rama ai ishte ministri më i suksesshëm. Rama e bëri këtë deklaratë vetëm pak ditë para se të merrte vendimin e beftë për ta shkarkuar. Për këtë arsye, largimi i tij duket të jetë një lojë e pistë politike, pas së cilës fshihet Ilir Meta. Ky i fundit ia doli të marrë ?kokën? e Tahirit, pasi dorëzoi atë të Ylli Manjanit. Por, kjo duhet parë në fakt si një fitore e tij. Edi Rama duket se ka menduar për të gjitha vendimet, për të mos i krijuar aspak mundësi dhe hapësirë për ndikim njeriut me të cilin qeveris, Ilir Metës.

Menjëherë pas largimit të Saimir Tahirit, ai emëroi në krye të Ministrisë së Brendshme një tjetër njeri të besuar të tij, Fatmir Xhafajn. Por, jo vetëm. Fatmir Xhafaj është një ndër kundërshtarët më të fortë të Ilir Metës, në radhët e PS.

Xhafaj doli kundër Ilir Metës për reformën në drejtësi. Teksa Meta kërkonte konsensus për miratimin e ligjeve të kësaj reforme, duke bërë apel që ai të mos censurohet, Xhafaj deklaroi publikisht se mazhoranca i ka votat e mjaftueshme për miratimin e ligjeve dhe se nuk ka pse të presë opozitën.

Në një mbledhje të hapur në praninë e mediave në Kryesinë e Kuvendit në prag të miratimit të Reformës në Drejtësi, Fatmir Xhafaj, ju drejtua Ilir Metës, pasi ky i ndërpriste fjalën, ? Më i duruar me qetësi, se dashurinë e dimë që ka mbaruar, por ruaj qetësinë?, u shpreh ish-kreu i Komisionit Parlamentar për Reformën në Drejtësi, Fatmir Xhafaj.

Gjithashtu, Fatmir Xhafaj kundërshtoi hapur Ilir Metën për shortin e Këshillit të Emërimeve në Drejtësi. Përmes një letre drejtuar Presidentit Bujar Nishani, kryeparlamentarit Ilir Meta, kreut të Kushtetueses, Bashkim Dedja, kreut të Gjykatës së Lartë, Xhezair Zaganjori dhe kryeprokurorit Adriatik Llalla, Fatmir Xhafaj kritikonte ashpër Kuvendin, duke dhënë argumente se përse është shkelur ligji në shortin për KED.
Të gjitha këto tregojnë se i zgjedhuri i Ramës në krye të Ministrisë së Brendshme është një person që nuk do i hapë rrugë Ilir Metës, ashtu si dhe ish-ministri Tahiri që ishte ?hala? në sy e kreut të Kuvendit. Skandali i përgjimeve dhe sulmet e LSI ndaj ministrit Tahiri ishin të pandalshme, menjëherë një të tillë mori edhe Fatmir Xhafaj nga këshilltari i Ilir Metës, i cili më pas u justifikua. Kreu i qeverisë Edi Rama largoi krahun e tij të djathtë për Ilir Metën, por e zëvendësoi atë me një tjetër personazh politik, që është po aq pengesë për kreun e LSI. Ai zgjodhi njërin ndër kundërshtarët e tij më të fortë, i cili nuk ka denjuar të dalë kundër tij edhe publikisht më fort se kushdo tjetër./CityNews





Lajmet e fundit nga