E fundit!

13:34 Kosova & Bota

Shkatërrimet nga tërmetet në Venezuelë/ Vendet evropiane ofrojnë ndihmë dhe avionë transporti

Shtetet e Bashkuara të Amerikës, Kinë, Kili dhe vende të t...

Çili liberal apo klientelist?!

14 Mars 2017, 11:05, Aktualitet CNA

Dje në mbrëmje, në emisionin ?Opinion? të Blendi Fevziut në tv ?Klan?, ka pasur një debat midis disa analistëve në lidhje me ndryshimet e fundit të qeverisë Rama.

Në fakt, paneli, po ta krahasoj me atë të disa viteve më parë, kishte një ndryshim. Të vetmit, në të njëjtin pozicion ishin Lorenc Vangjeli dhe Armand Shkullaku. Henri Çili dhe Preç Zogaj kishin ndryshuar vendet, nga ato që kishin pasur disa vite më parë. Kur Preç Zogaj në krah të Edi Ramës sulmonte Kryeministrinë në 21 Janar, apo Henri Çili që bërtiste se Sali Berisha duhet të fitonte mandatin e tij të tretë.

Dje në debat, pati edhe një tjetër shfaqje thuajse banale dhe qesharake, kur personi që e quan veten liberal siç ështe Henri Çili, tha se mund të shkonte të futej në çadër. Dhe me shprehjen e tij të vazhdueshme se atje kanë pranuar edhe punistë, ai kërkoi të justifikonte sjelljen dhe veprimet e tij qesharake në publik, në lidhje me kreun demokrat Lulzim Basha.

Çili njihet si mik dhe mbështes i Lulzim Bashës, por edhe si mik i Edi Ramës. Ai mbështeste ata ?që i japin më shumë? dhe i shërbejnë interesave të tij klienteliste. Ai i shërbeu Edi Ramës në 2007, në garën për Bashkinë e Tiranës. Në 2011 mbështeste Lulzim Bashën, në 2013 Sali Berishën, në 2015 Edi Ramën dhe në 2017 Edi Ramën.

Më qesharake është se në zgjedhjet elektorale të 2015, në një anë bënte fushatë për kandidatin Veliaj dhe krueministrin Rama dhe në anën tjetër, ulej në tavolinën e kandidatit Halim Kosova.

Njerës palë i thoshte do fitosh ti, tjetrës palë i thoshte do fitosh ti, por në fund kërkonte te mbushte xhepat e vetë. Armand Shkullaku dje i dha një përgjigje Henri Çilit, duke i theksuar se në çadër nuk pranohen dezertorë, por në fakt Çili nuk është i tillë dhe këtë Armandi e di mirë.

Ai është thjeshtë një klient, që për interesa dhe korruptive si është ligji i arsimit të lartë, apo licenca universiteti siç ka dhënë PD apo mbështetjen për individë të caktuar në dy kahe të politikës, që ti sjellin atij fitime financiare.

Dialoshit nga fshati Labinot, i lindur pranë shinave të trenit, në një tokë gropë ku mbillen shkurret, është një ?trëndafil? që çpon dhe përdoret për ti thithur aromën nga politika, për interesat e saj vetëm sepse me paret e një universiteti privat të të rinjve shqiptar, ai investon mediat. Ka media dhe është prezent në ekran.

Henri Çili nuk është liberal, ai është klientelit, servil pushtetesh, dredharak që kërcen hu më hu, për të siguruar financat dhe ka krijuar një pasuri të dyshimtë, duke pasur parasysh se si ka filluar ai universitet dhe ku ndodhet sot.

Duke pasur parasysh sesi mund të pasurohet dhe të krijojë një perandori të tillë një person në një kohë kaq të shkurtër, kur drejtues të mediave të tij kanë folur për paga 10 mijë euro në muaj, që do të thotë shpenzime marramëndëse dhe fonde që ende institucionet investiguese nuk i kanë hetuar, nga vijnë, çfarë janë dhe si mund të krijohen shpenzime të tilla.

Henri Çili mund ta quaj veten liberal, por ai në fakt është një klientelist pushtetesh dhe që të jetë liberal dhe i vërtetë, duhet të jetë në rregull me ligjit, të mos ketë bërë evazion fiskal, të mos ketë fshehur të ardhurat dhe shpenzimet, të justifikojë të ardhurat dhe pasurinë, por këtë e vështirë se mund ta bëjë.

Dhe prandaj ndoshta ai fshihet pas çdo qeverie, i shërben çdo qeverie. I lëpihet çdo qeverie, thjeshtë dhe vetëm që atij të mos i hapen letrat. Në rast të një investigimi dhe hapje të plotë të dokumentacionet të këtij personazhi, ndoshta të nesërmen do të falimentonte dhe do të përfundonte pas prangave, jo si liberal, asnjëherë si i tillë, por si klientelist përfitues i pushteteve. /CityNews