web counter
LEXO PA REKLAMA!

SHKARKO APP

App Store
Google Play

E fundit!

x

Dreka e dytë me ambasadorët/Basha vijon qëndresën: Nuk tërhiqemi

14 Mars 2017, 15:08, Aktualitet CNA

Ka përfunduar dreka e kryedemokratit Lulzim Basha me ambasadorët e Bashkimit Evropian. Të pranishëm në këtë drekë, e cila erdhi vetëm një ditë pasi Basha drekoi po me ambasadorët, ishin dhe aleatët e PD. Pas drekës, Basha tha se është diskutuar për gjendjen politike në vend.

Basha: Diskutuam për gjendjen politike në vend dhe bashkë me përfaqësuesit e tjerë opozitarë bëmë të qartë vendimin tonë për të mos u tërhequr nga beteja qytetare dhe popullore për zgjedhje të lira dhe të ndershme deri në realizimin e kushtit të vetëm të opozitës që është një qeveri teknike me vullnet të gjerë politik për të garantuar zgjedhje të lira dhe të ndershme.

Kjo është dita e 25 e protestës së opozitës para kryeministrisë ndërsa një ditë më parë Basha pati një tjetër drekë pune me disa nga Ambasadorët e vendeve anëtare të Bashkimit Europian.

Në drekën e djeshme morën pjesë Ambasadori i Francës, Britanisë së Madhe, Greqisë dhe Danimarkës.

Në përfundim të drekës, Basha deklaroi se opozita është në bashkëbisedim të vazhdueshëm me partnerët ndërkombëtarë, ndërsa sipas tij është diskutuar për krizën politike.

Basha: Ne jemi në bashkëbisedim të vazhdueshëm me partnerët, alearët tanë europianë dhe amerikanë. Ky ishte një takim, një drekë pune në kuadrin e bashkëbisedimit dhe bashkëpunimit të vazhdueshëm dhe të frytshëm të opozitës së bashkuar me aleatët dhe parnerët tanë europianë. Diskutuam zhvillimet politike dhe rrugëdaljen nga kriza politike ku e ka futur vendin pamundësia e zgjedhjeve të lira dhe të ndershme me një qeveri të bërë njish me krimin dhe drogën.

Në takimin e djeshem mungoi Ambasadorja e Bashkimit Europian, Romana Vlahutin, por për këtë Basha dha këtë arsye:

Basha: ?Kemi një bashkëbisedim të vazhdueshëm me partnerët dhe aleatët tanë europianë dhe amerikanë që vazhdojnë në të gjitha format dhe formatet. Kishte dhe mungesa të tjera është një bashkëbisedim i vazhdueshëm?./CityNews





Lajmet e fundit nga