web counter
LEXO PA REKLAMA!

SHKARKO APP

App Store
Google Play

E fundit!

x

Dini të gatuani ballokumet e Elbasanit? Ja receta origjinale

14 Mars 2017, 13:12, Aktualitet CNA

Jo të gjitha nënat tona e dinë recetën origjinale të ballokumeve të Elbasanit. Por për të realizuar këtë ëmbëlsirë mjaft të shijshme, na duhen 1 kg miell misri i situr, 1 kg sheqer, 0.5 kg gjalpë, 8 kokrra vezë, një enë e madhe bakri e pakallajisur ose prej qelqi.

Tretet gjalpi dhe pastaj rrihet me sheqerin e bërë pluhur, deri sa të bëhet një masë e bardhë. Shtohen vezët një nga një. Rrihen derisa të bëhet një masë e vetme. Pastaj hidhet mielli dalëngadalë duke vazhduar përzierjen. Brumi lihet rreth 15 minuta në qetësi pavarësisht se ai mund të duket i qullët. Kjo kohë mjafton që grimcat e miellit të thithin lagështirën e brumit të qullët. Pas kësaj brumit mund t?i shtohet edhe një dorë miell nëse është e nevojshme kur ai mbetet si i qullët.

Më pas vjen pjekja

Pudroset tepsija me miell dhe mbi të vendoset topat e brumit me madhësinë e grushtit të dorës. Pastaj futet tepsija në pjekje për rreth 40 minuta në 170°C deri sa të formojë pak kore (jo të skuqet). Nxirret tepsija dhe lihet të ftohet me qëllim që ballakumet të shkëputen lehtësisht. /CityNews 

 

 

 





Lajmet e fundit nga