web counter
LEXO PA REKLAMA!

SHKARKO APP

App Store
Google Play

E fundit!

x

Basha flet për largimin e Tahirit/ Qeveri teknike pa Ramën

11 Mars 2017, 18:06, Aktualitet CNA

Kreu i PD, Lulzim Basha, ka komentuar sot lajmet për largimin e Ministrit të Brendshëm, Saimir Tahiri. Nga çadra e protestës, Basha tha se nuk po kërkon ?kokë turku?, por zgjedhje të lira dhe të ndershme me një qeveri dhe kryeministër që mund ti garantojë ato.

?Qeveria duket se është në grahmat e saj të fundit. Në fakt, ka tre javë që nuk bën më asnjë punë, përveç se përgjon protestën e qytetarëve, popullin e vet. Sado që të përgjigjet, sado që të shtinë fall, të lexojnë filxhanat e kafesë pas fasadave të qeverisë, konkluzionin ua kemi thënë. Ne jemi këtu, jemi ngritur bashkë në këtë shesh, deri në largimin e qeverisë të bërë njësh me krimin dhe drogën. Ua kemi thënë dhe ua përsërisim se për ne kjo lëvizje i ka tejkaluar kufijtë e çdo partie politike. I ka tejkaluar kufijtë e PD, i ka tejkalur kufijtë e opozitës. Është sot lëvizja më e madhe popullore, qytetarëve dhe kombëtare për zgjedhje të lira dhe të ndershme. Ndaj, nuk jemi mbledhur këtu as për ?koka turku?, as për ?koka delesh?, as për ?koka kecash?. Jemi mbledhur këtu për standardin e zgjedhjeve të lira dhe të ndershme. Zgjedhje të lira dhe të ndershme me një qeveri dhe kryeministër garant me krimin, nuk mund të ketë?, tha ai.





Lajmet e fundit nga