web counter
LEXO PA REKLAMA!

SHKARKO APP

App Store
Google Play

Lubonja jep arsyet pse shkarkimi i Tahirit është një manovër e Ramës për të hequr alibitë e opozitës

11 Mars 2017, 17:52, Aktualitet CNA

Analisti Fatos Lubonja i ftuar në emisionin e gazetares Nisida Tufa ?Kjo Javë? shprehu mendimin se shkarkimi i Ministrit të Brendshëm Saimir Tahiri është një alibi e qeverisë për të krijuar idenë se këta ministra nuk do të merren me fushatën, duke qenë se janë të akuzuar për lidhje me krimin.

?Për të zgjidhur këtë krizë që ka krijuar opozita me kërkesat e krijimit të qeverisë teknike, nga mazhoranca vjen një lloj opsioni që thotë që ju doni qeveri teknike, ne s?jua a japim por unë heq ministrat që merren me fushatën që të heq një alibi se këta ministra do të merren me fushatën. Jo se kemi një rrëshkitje të situatës nga duart të kryeministrit,? tha Lubonja.

A intereson opozitës?
Lubonja: Jo, këtyre shkarkimeve, që nuk janë shkarkime për punë të keqe, por që janë për të hequr një alibi, opozita do kërkonte shkarkimin se këta janë rrezik, se Tahiri ka pasur kontrollim të grupeve kriminale. Është rezultat i presionit që bëhet nga opozita. Kjo që bëri Rama nuk do të ndodhte nëse opozita s?do protestonte, por nga ana tjetër mund të jetë dhe truk siç tha Basha. Por nëse hiqet Tahiri, pasi siç thuhet se ka lidhjet me krimin, është një gjë, por gjë tjetër është nëse hiqet për t?i dhënë garanci opozitës se do kemi një ministër që do pastrojë lidhjet e policisë me krimin. Mendoj se ka të drejtë kur thotë se ngjan me truk.





Lajmet e fundit nga