web counter
LEXO PA REKLAMA!

SHKARKO APP

App Store
Google Play

Ekstradohet nga Greqia 55-vjeçari shqiptar/ Kërkohej për vrasje me armë (FOTO)

11 Mars 2017, 16:51, Aktualitet CNA

Interpol Tirana ka ekstraduar nga Greqia drejt Shqipërisë shtetasin Karafil BEQIRI, 55 vjeç, lindur në Tepelenë.

Burime nga policia bëjnë me dije se shtetasi Karafil BEQIRI, ishte i shpallur në kërkim ndërkombëtar pasi Gjykata e Rrethit Gjyqësor Gjirokastër, me Vendimin Penal nr. 39, datë 05.05.2005, lënë në fuqi me Vendimin Penal nr. 151, datë 19.05.2008 të Gjykatës së Apelit Gjirokastër dhe vendimit penal nr. 00-2010-1391(1016), datë 08.11.2010 të Gjykatës së Lartë, e ka dënuar këtë shtetas me 20 vjet burgim për veprat penale ?Vjedhje me armë me pasojë vdekjen, e kryer në bashkëpunim? dhe ?Mbajtje pa leje e armëve luftarake?, parashikuar nga nenet 141-25 dhe 278/2, të Kodit Penal.

Ngjarja

Në datë 06 korrik 1997 shtetasit, V.A., F. P dhe K. P, po udhëtonin me automjetin e shtetasit V.Xh, në drejtim të Greqisë. Shtetasi F.P, kishte me vete një shumë prej 700 000 dhrahmi të cilat do ti çonte në Greqi. Në vendin e quajtur ?Zaje?, në afërsi të Gjirokastrës, automjetit në të cilin udhëtonin shtetasit e mësipërm i kanë dalë përpara me qëllim për ta grabitur, shtetasit Karafil Beqiri, N. Gj., L.M, A. B dhe E.K. Fillimisht këta shtetas të cilët kanë qenë edhe të armatosur me armë zjarri, kanë qëlluar në ajër me qëllim që automjeti i shtetasit V. Xh të ndalonte, por ky i fundit ka nxjerrë armën automatike kallshnikov që e mbante me vete dhe ka filluar të qëllojë në drejtim të shtetasve që kishin dalë për ta grabitur. Si pasojë e shkëmbimit të zjarrit kanë mbetur të vrarë shtetasit V. Xhavara dhe F. Piperi. Si rezultat i bashkëpunimit të Interpol Tirana me Interpol Athina, u bë i mundur arrestimi i shtetasit Karafil BEQIRI në Greqi, duke u finalizuar me ekstradimin e tij drejt vendit tonë.





Lajmet e fundit nga