web counter
LEXO PA REKLAMA!

SHKARKO APP

App Store
Google Play

E fundit!

x

Policia “mbërthen” vendin/Nis monitorimi nga ajri për drogën (Foto)

1 Mars 2017, 14:51, Aktualitet CNA

Policia e Shtetit ka nisur monitorimin nga ajri të të gjitha zonave me rrisk për parandalimin e kultivimit të bimëve narkotike. Policia po zhvillon kontrolle masive në të gjithë vendin prej një jave, ku tashmë monitorimi po kryhet dhe nga ajri në të gjitha zonat ku është shkatërruar vitin e kaluar, por edhe në zonat e konsideruara me risk.

Paralelisht me kontrollet nga toka kanë nisur edhe patrullimet nga ajri në të gjitha ato zona të cilësuara me risk nisur nga kultivimi gjatë vitit të kaluar, por edhe në ato zona bazuar në informacionet policore të grumbulluara deri tani ku dyshohet se mund të kultivohen bimë narkotike. Kontrollet kanë nisur shumë me herët se vitin e kaluar.

Përmes takimeve me banorët dhe drejtuesit vendore, Policia e Shtetit ka konfirmuar se është e vendosur të parandalojë kultivimin e bimëve narkotike, si dhe të ndëshkojë cilindo që do tentojë të kultivojë bimë narkotike. Deri tani, sipas policisë, fushata e parandalimit ka pasur sukses të plotë. Asnjë rrënjë kanabis nuk është gjetur as në vendet e mbyllura e as të hapura. Policia e Shtetit do vijojë kontrollet çdo javë, më të shpeshta në zonat me rrisk.

Gjithashtu, Policia e Shtetit po vijon operacionet në bashkëpunim të ngushtë me partnerët për luftën kundër drogës./CityNews





Lajmet e fundit nga