5 plazhet më të bukura në Europë

1 Mars 2017, 22:45, Aktualitet CNA

Plazhi ?Our Lady? në Francë

Nëse doni një plazh ku të jeni në privatësi dhe një mjedis natyror të pakshelur, rreth 40 kilometra bregdet ju ofron një pamje magjepëse. Kufizohet nga një pyll i bukur pishe dhe është po aq i bukur sa plazhet e tjera si Porquerolles, apo plazhi i Notre Dame.

Plazhi Navagio në Greqi

Navagio është plazhi më i bukur në Greqi dhe një prej plazheve më të bukura në botë. Plazhi quhet ndryshe dhe ?Limani i kontrabandistëve?. Atë çka e bën të bukur këtë plazh është një anije e vjetër që gjendet në breg të detit por edhe pamja që të ofrohet nga lart plazhit nga ku mund të shikohet pamja e ishujve të detit Jon të Zakynthos.

Zlatni Rat Beach në Kroaci

Plazhi Zlatni Rat, shpesh referohet si Kepi i Artë apo Golden Horn (përkthyer nga dialekti lokal Chakavian), është një pjesë toke që ndodhet rreth 2 kilometra në perëndim nga qyteti port i Bol në bregdetin jugor të Kroacisë, në ishullin e Braç,rajoni i Dalmacisë.

Calo des Moro në Palma De Majorka

Majorka është ishulli më i madh në Spanjë dhe vizitorët shkojnë atje për panoramën e mrekullueshme dhe jetën e natës në ishullin më të famshëm të Evropës. Klubet dhe baret në kryeqytetin Palma dhe qytetin El Arenal tërheqin pushues nga e gjithë Evropa. Majorka ka dhe plazhe të pastra e mahnitëse si ?Calo des Moro? në Palma. Në Palma gjenden pika turistike të famshme si katedralja ?La Seu? dhe pallati ?Real de la Aludaina?, si dhe ekziston mundësia për të eksploruar fshatrat idilike dhe tregjet e çuditshme vendase.

Oludeniz Beach në Turqi

Oludeniz është një fshat turistik i vogël në rrethin e provincës Fethiye Mugla, në bregun jugperëndimor të Turqisë. Oludeniz mbetet një nga plazhet më të fotografuara në Mesdhe. Ajo ka një gji të izoluar me rërë, në një lagune blu. Kjo zonë në vetvete është një plazh me guralecë. Laguna është një rezervë kombëtare natyrore. Plazhi është i famshëm për hijen në ngjyrë të bruztë dhe akuamarinë, ndërsa është një plazh zyrtar Blue Flag, i vlerësuar shpesh në mesin e top 5 plazheve më të bukura në botë nga udhëtarët dhe revistat turistike.