web counter
LEXO PA REKLAMA!

SHKARKO APP

App Store
Google Play

Veseli, Letër falënderuese ambasadores së SHBA-së në OKB

25 Shkurt 2017, 19:08, Aktualitet CNA

Kryetari i Kuvendit të Kosovës, Kadri Veseli, i dërgoi një letër Përfaqesueses së Përhershme të SHBA-ve në Kombet e Bashkuara, ambasadores Nikki Haley, për ta falënderuar për angazhimin e saj për anëtarësimin e plotë të Kosovës në OKB.

Kryeparlamentari Veseli e siguroi ambasadoren amerikane se Republika e Kosovës do të vazhdojë punën në rrugën e integrimeve në organizata ndërkombëtare dhe është krenare për miqësinë e përjetshme me Shtetet e Bashkuara të Amerikës.

?Ju falënderoj për deklaratën tuaj të fuqishme, për mbështetjen e dhënë për anëtarësimin e plotë të Kosovës në Organizatën e Kombeve të Bashkaua. Ne jemi krenarë për progresin që kemi bërë brenda një kohe të shkurtër pas shpalljes së pavarësisë dhe angazhohemi që të vazhdojmë këtë progres në bashkëpunim me Shtetet e Bashkuara të Amerikës dhe Organizatën e Kombeve të Bashkuara. Republika e Kosovës është krenare që është aleat i përjetshëm i Shteteve të Bashkuara të Amerikës dhe është shumë mirënjohëse për miqësinë me ju?, ka shkruar Veseli.

Ambasadorja amerikane në OKB, Nikki Haley deklaroi ditë më parë se Republika e Kosovës e ka vendin e saj në Kombet e Bashkuara.

Kjo deklaratë ka ardhur disa ditë pasi kryetari i Kuvendit të Kosovës, njëherësh Kadri Veseli, është takuar në Washington me presidentin e ri të SHBA-së Donald Trump, i cili i ka dhënë mbështetje të plotë Republikës së Kosovës.





Lajmet e fundit nga