web counter
LEXO PA REKLAMA!

SHKARKO APP

App Store
Google Play

Çadra e Frrok Çupit

25 Shkurt 2017, 18:20, Aktualitet CNA

Opozita po kalon ditën e 8-të të protestës dhe lëvizja e saj po radikalizohet.

Kreu i PD, Lulzim Basha, i cili gjithmonë ka pretenduar se është një njeri me kulturë europiane ka filluar të flasë siç çun inatçi dhe jo si europian. Kërkon thyerje, grushta, çarje gomash etj etj. Kjo është zgjidhja e tij dhe për çdo lëvizje koston e merr vetë. Por pasojat i vuajnë të gjithë demokratët.

Nga ana tjetër, në krah të Bashës shikojmë edhe figura që jo vetëm nuk nxisin mbështetjen qytetarë por vështirë se i bashkojnë demokratët më tej pas tij.

Sot u shfaq Frok Çupi, dje një tjetër ish-sigurims, një ditë më parë një Rilindas i thekur. A thua se kanë braktisur Ramën apo janë zhgënjyer se nuk morën ?llokmën? e pushtetit.

Dikush priste të bëhej deputet. Pasi luftoi Berishën, u kthye tek Basha, dikush donte ta arrestonte Berishën, dikush e sulmoi në 21 janar, dikush tjetër në 2013 tha se Rilindja ishte shpëtimi.

Këta në shumicën e tyre ndoshta janë thjesht mëkatarë, por disa që Basha i mban në krah nuk janë të tillë. Këta janë palaço të një politike të neveritshme, që kërcejnë për interesa momenti. Shkojnë tek pagatori, si qeni i rrugës që ngelet pa bukë dhe do një kockë.

Dhe çadra e lirisë sot me Frrokun e co duket si çarda e qytetarëve që ju flasin ish- sigurimsat. Ndoshta Basha ka nevojë për të tillë personazhe, por ka ardhur koha për t?ju thënë BOLL. Jo vetëm Frrokut, por edhe Preçit edhe atyre që ha Luli dreka apo darka. Boll sepse shqiptarët nuk i gënjen dot më me të njëjtën lugë të ndryshkur dhe boshe.

E vërteta larg këtyre sharlatanizmave të pandalshme politike mund të sjellë ndryshim. Me të tilla aksione dhe personazhe, demokratët dhe shqiptarët demoralizohen se për tradhtinë e shikojnë live kur qesh Frroku apo Preçi./CityNews





Lajmet e fundit nga