Nga Kastriot Myftaraj/ Zbulohet noterja e SOROS për Vettingun

25 Shkurt 2017, 19:22, Aktualitet CNA

Presidentja e sotme e Dhomës Kombëtare të Noterisë, Mimoza Sadushaj (pwr punë të tilla përdor mbiemrin informal ?Sadushi?) është zyrtarja e parë (noterët janë zyrtarë të veshur ligjërisht me pushtet), e cila si notere ka përgjegjësi për themelimin e Fondacionit ?Soros? (?Shoqëria e Hapur për Shqipërinë?), me dokumente të falsifikuara dhe në kundërshtim me ligjin, në vitin 1994. Personi i dytë përgjegjës zyrtar është gjyqtarja e Gjykatës së Tiranës Florina Tegu, e cila më 11 nëntor 1994 ka vendosur regjistrimin e fondacionit, megjithëse nga aktet që iu paraqitën kuptohej qartë falsifikimi dhe kundërligjshmëria.

Tashmë është përpiluar dosja e plotë me falsifikimet e kërkuesit (A.M.) dhe veprimet e kundërligjshme të personave të veshur me pushtet. Për t? solidarizuar me falsifikimet e sorosianëve, noterja e ka shkruar emrin e saj në aktet si Mimoza Sadushi, kur mbiemri i saj zyrtar është ?Sadushaj? dhe me këtë mbiemër ajo figuron në Regjistrin e Gjendjes Civile. As në atë kohë dhe as sot nuk ekzistonte noterja Mimoza Sadushi. Por me sa duket në shoqërinë e hapur edhe mbiemrat janë të hapur.
Personi i tretë përgjegjës është gjyqtari i Seksionit Tregtar të Gjykatës së Tiranës që sipas ligjit të ri për OJF-të, që është në fuqi dhe sot, duhet të kishte vendosur shpërndarë fondacionin në vitin 2002. Emrin e këtij gjyqtari nuk mund ta them për shkak se ai është përgjegjës me mosveprim, dhe nuk mund të saktësoj momentalisht se cili gjyqtar e ka mbajtur këtë detyrë në maj-qershor 2002, por kjo është detyrë e Prokurorisë së Shtetit, që mund ta bëjë lehtë.

Pavarësisht se për disa prej këtyre personave veprat penale janë parashkruar për shkak të kohës, dhe ata nuk mund të dënohen më penalisht, mbetet në fuqi ?dënimi? ligjor për fondacionin që duhet të shpërndahet.

Një koincidencë: Kur Fondacioni ?Soros? përgatiti versionin e parë të reformës për drejtësi, një rol i posacëm në Veting i ishte dhënë Presidentit të Dhomës Kombëtare të Noterëve, që ishte pikërisht Mimoza Sadushaj. Kuptohet se ata të Fondacionit ?Soros? do të mohonin fuqishëm që e kishin ideuar projektin në atë mënyrë që të përfitonte një person konkret, sepse do të thoshin që nuk e dinin se Mimoza Sadushaj (Presidente e Dhomës Kombëtare të Noterisë sot) është i njëjti person me znj. Mimoza Sadushi, noterja që sorosianët zgjodhën për të bërë aktet për themelimin e fondacionit në Shqipëri në vitin 1994.

Dhe Qeveria e SHBA, e periudhës ?Obama? që shumë herë, me gojën e ambasadorit Lu mori përsipër reformën në drejtësi, nuk dinte asgjë që projekti ishte përpiluar në atë mënyrë që postet-kyçe t? i merrnin personat e caktuar, siç ishte në këtë rast noterja e Sorosit. Në këtë rast, qeveria amerikane thjesht vepronte si noter i Fondacionit ?Soros?. Sado e pabesueshme t? u duket të gjitha këto janë të vërtetuara me dokumente që do t? i dorëzohen Prokurorisë së Shtetit javën e ardhshme.