web counter
LEXO PA REKLAMA!

SHKARKO APP

App Store
Google Play

E fundit!

x

KOMUNIKATE PER ATA TË PROTESTËS dhe të tjerë...

24 Shkurt 2017, 10:22, Aktualitet CNA

Ndërsa JU, mediat e “kazanit” dhe opozita snoboni “rilindjen” për bashkëqeverisje me krimin, jemi të shtrënguar t’Ju komunikojmë;

1- prokurori i antimafias italiane njofton opinionin shqiptar dhe botëror se nën përkujdesjen e Qeverisë Shqiptare, pllani i narkotrafikëve është tejkaluar në masën 300%; Kjo nënkupton se ne shqiptarët kemi Tahirin dmth “…policinë që duam…”

2-Ambasodori i OSBE, nga ana tjetër bën me dije se në duart “krenaristëve” me matrikull “rilindase” qarkullohen 2 miliard euro në vit, që do të thotë sa 75% e buxhetit të shtetit; kjo nënkupton qartë se “rilindja” nuk ka nevojë të marrë qoftë dhe një qindarkë nga xhepat e votuesve, per “Pazarin e Qershorit”, përkundrazi do tua hedhë nga “një send” në xhep të gjëthësecilit (njemilionëve)
A nuk jemi Qeveria që shqiptarët duan…”

3-Anglia njofton tani para tre ditësh se këtë vit, numri i vashave shqiptare që “nusërojnë” në rrugët e hotelet anglosaksone ka mbërritur në 600. Shtoni këtyre edhe rreth 8000 të tjera, në krye të “detyrës”në rrugët e Europës. Beni një llogari të thjeshtë për valutën që mbërrin në arkën e “bossit”, kur vetëm një “nuse” nxjerr 300.000?/në vit; Apo keni ndonjë objeksion për llogaritë e Ahmetit?

PS; Është e vertetë se në dy javët e fundit eksporti ynë u godit nga “bllokada” ndërkombëtare e antimafias, me një humbje prej 20 tonësh “lende safi” e pakta 10 milion eurosh. Kjo i “entuziasmoi” mediat e kazanit, opozitën dhe protestuesit. Po e çan menderen ariu nga mizat? Rilindja ju siguron; se hambaret tona janë përsëri plot.

“Dallaverja e Qershorit” do të jetë më e leverdishmja në historinë 105 vjeçare të shtetit shqiptar. Kar-vani marshon në gojë të ujkut… (Protestuesit të na marrin të keqen…!)/Nga Zef Zefi





Lajmet e fundit nga