web counter
LEXO PA REKLAMA!

SHKARKO APP

App Store
Google Play

Zbardhet dëshmia e Dash Kupës/ Ku isha ditën e grabitjes

24 Shkurt 2017, 08:34, Aktualitet CNA

Një tjetër anëtar i bandës së grabitësve të bankës në rrugën e Rinasit ka dëshmuar në polici. Bëhet fjalë për 41-vjeçarin Dash Kupa, kushëriri i parë i Ernest Kupës, i arrestuar në kuadër të operacionit ?Patrioti?.

?Ditën kur ka ndodhur ngjarja, madje para, gjatë dhe pasi ka ndodhur grabitja, unë kam qenë në picerinë që kam bashkë me djalin e xhaxhait. Këtë mund ta provoni lehtësisht. Shkoni kamerat e sigurisë?, është shprehur Kupa para hetuesve, shkruan ?Panorama?.

Dash Kupa është edhe bashkëpronar i picerisë, që ndodhet pranë shkollës ?Vasil Shanto? në Tiranë, ndërsa rezulton të ketë qenë i dënuar edhe në shtetin fqinj, Greqi. Ai u arrestua dje në pikën e kalimit kufitar të Morinës, kur po kthehej nga Kosova.

Mësohet se Dash Kupa ka pasur funksionin e organizatorit në grup dhe nuk ka kryer veprime aktive, ashtu siç dyshohet kushëriri i tij.

Sipas policisë, 41-vjeçari nga Kruja dyshohet se ka përgatitur planin e masave, si dhe ka koordinuar grupet në terren me informatorët. Por vetë i arrestuari, njësoj si djali i xhaxhait të tij, Ernest Kupa, ka mohuar akuzat e ngritura ndaj tij, duke mos pranuar ngjarjen. Madje ai ka paraqitur edhe një alibi para hetuesve.

Përveç Admir Muratajt (Nikajt), që dyshohet të jetë organizatori kryesor i grabitjeve, tashmë është bërë publik edhe një emër tjetër, mes disa personave që kërkohen. Ai është Klement Çala, 28 vjeç, nga Elbasani.

Emri i tij figuron në kërkim ndërkombëtar në listën e Interpolit, por për akuza të ngritura nga autoritetet greke. Ndërsa në lidhje me grabitjet e ndodhura, ende nuk ka ndonjë provë konkrete për përfshirjen e tij, por dyshime, që sipas Policisë janë ngritur për shkak të miqësisë dhe bashkëpunimit të mëparshëm në krime që ai ka pasur me Admir Muratajn./CityNews





Lajmet e fundit nga