web counter
LEXO PA REKLAMA!

SHKARKO APP

App Store
Google Play

Ilir Beqja feston ditëlindjen në Korçë/ Kush i paguan faturat?

22 Shkurt 2017, 14:22, Aktualitet CNA

Ditën e dielë, në ekranet e televizioneve u shfaq nga Korça zëvendëskryeministri Niko Peleshi dhe Ministri i Shëndetësisë, Ilir Beqja. Mediat televizive raportuan se Ministri i Shëndetësisë ishte në Korçë për të inspektuar punimet mbi rikonstruksionin e Maternitetit të Korçës.

Vizita në Korçë në parim duket një axhendë e caktuar politike që bëhet në fundjavë, kryesisht nga ministrat e zonave të tyre elektorale dhe vajtja e Beqajt në institucionet shëndetësore, ishte një lajm propagandistik elektoral, por në fakt dardha e ka bishtin mbrapa.

Në justifikimin e një aktiviteti zyrtar, Ilir Beqja ka zbarkuar në Korçë në 18 shkurt, për të festuar ditëlindjen e tij në qytetin juglindor. Ilir Beqja, i shoqëruar nga miq e të afërm, ka festuar ditëlindjen në një nga lokalet e preferuara të qytetit të Korçës dhe ka qëndruar në një hotel në pedonalen e këtij qyteti.

Pra vajtja e Beqajt në Korçë nuk ka pasur si qëllim atë që u servir në media. Ai është një aktivitet për të justifikuar shpenzimet në qytetin juglindor. Beqaj në Korçë ishte për të festuar ditëlindjen e tij  dhe kjo është krejt normale, por kur ditëlindja mund të festohet me paratë e takspaguesve, duke u justifikuar gjoja me inspektime zyrtare, kemi të bëjmë me një skandal shtetëror.

Ilir Beqaj ka qënë i shoqëruar nga shumë miq të tij në aktivitetin e ditëlindjes. Ende nuk dihet nëse shpenzimet e hoteleve, darkave dhe festën e tij e ka paguar nga xhepi, apo fatura i ka shkuar institucioneve.

Ministri i Shëndetësisë ka shkuar në Korçë për të festur me miqtë dhe të nesërmen ka zhvilluar një aktivitet zyrtar. Zakonisht kjo e fundit përdoret nga ministri dhe stafet e institucionet për të justifikuar shpenzimet e aktivitetit të tyre private. Të paktën ministri me inspektimin e tij ka justifikuar shpenzimin e karburantit drejt Korçës, ku së bashku me vizitën në maternitetin që po rindërtohet, festojnë edhe ditëlindjen e tij të 49. /CityNews

 





Lajmet e fundit nga