web counter
LEXO PA REKLAMA!

SHKARKO APP

App Store
Google Play

Zbardhen skenarët e darkës/ Meta i kërkoi dorëheqjen Ramës, çfarë ndodhi me ushqimin

22 Shkurt 2017, 14:03, Aktualitet CNA

Liderët e koalicionit qeverisës, Edi Rama dhe Ilir Meta, kanë konsumuar mbrëmjen e kaluar një darkë së bashku. Sot janë zbuluar dhe skenarët e kësaj darke ?misterioze? dhe të munguar prej kohësh mes dy liderëve, të cilët po kalojnë një periudhë krize në koalicion.

Skenarët janë zbardhur nga gazeta ?Koha Jonë?, e cila shkruan se gjërat kanë shkuar jo mirë. Duke futur në lojë një portal të improvizuar, gazeta citon një burim kryeministror, që ka qenë pjesëtar i shërbimit darkor. Sipas këtij të fundit, darka mes Edi Ramës dhe Ilir Metës ka përfunduar siç filloi, e pa ngrënë!.

Që në fillim, kryeministri ka kërkuar pozicionimin e saktë dhe të prerë të Ilir Metës, çka ka rritur tensionet mes tyre, ndërkohë që Meta ka thënë se nëse duhet për të siguruar normalitetin e vendit dhe të garancisë së opozitës, si dhe të mos ketë destabilitet, Rama dhe Meta të japin njëkohësisht dorëheqjen. Pra që të mos duket sikur PS humbet liderin, ndërsa LSI e mban kryeparlamentarin, edhe Ilir Meta jep dorëheqjen.

Kryeministri ka insistuar se nuk pranon asnjë zgjidhje me anë të protestës së opozitës dhe për protestën. Këmbënguljes se Ilir Metës se puna do të shkojë në përplasje të shoqërisë së ndarë në dy kape si dhe Opozita nuk do të futet në zgjedhje, kryeministri mësohet nga burime të rezervuara kryeministrore se ka qenë i vendosur për asnjë variant për qeveri teknike.

Edhe variantit që PS e LSI të ndryshojnë këto ditë pothuaj 90 përqind të kabinetit qeveritar, Ilir Meta ka insistuar duke i sqaruar se opozita do kokën e Ramës se nuk ka besim në zgjedhje të lira.
Darka ka përfunduar pa asnjë zgjidhje, bile tregon punonjësi i shërbimit se asnjeri nuk ka prekur pjatat. As verën. Vetëm kanë tymosur cigare, të dy. Duke shkelur dhe ligjin antiduhan.

Mësohet se Gjergj Koja i drejtorisë antiduhan për Tiranën sot do të dërgojë fletëgjobat për Edi Ramën dhe Ilir Metën në shumën prej 300 mijë lekë të reja, për secilin./CityNews





Lajmet e fundit nga