web counter
LEXO PA REKLAMA!

SHKARKO APP

E fundit!

x

Dashamir Shehi kërkon që PD mos ndalet, me LSI apo pa LSI si aleate

22 Shkurt 2017, 12:15, Aktualitet CNA

Aleatët e Partisë Demokratike bëjnë thirrje që në fokus të protestës së nisur nga PD, duhet të jenë zgjedhjet e lira dhe për fitoren nuk duhen mbajtur shpresat te LSI.

Kryetari i Lëvizjes për Zhvillim Kombëtar, Dashamir Shehi, insiston se PD duhet të rezistojë deri në fund të kësaj që ka nisur, me LSI apo pa LSI si aleate.

Ai thekson faktin mbi votimin elektronik ose qeverinë teknike dhe shton se nëse LSI i bashkohet, përbën avantazh për opozitën. ?Edhe PS nëse vjen, nuk jemi kundër?, theksoi Shehi.

Edhe aleatët joparlamentarë janë pro vazhdimit të protestës, deri sa të plotësohet kërkesa e tyre për zgjedhje brenda standarteve demokratike.

Sulejman Gjana, kreu i Lëvizjes së Legalitetit, u shpreh se qeveria teknike nuk është e vetmja alternativë drejt fitores, pasi opozita ka aksionin e vetë.

Ndërsa Adriatik Alimadhi, kryetar i Partisë së Ballit Kombëtar Shqiptar, tha se kjo protestë qytetare erdhi si pasojë e situatës së krijuar nga mazhoranca, korrupsioni, krimi dhe droga. /CityNews 

 





Lajmet e fundit nga