web counter
LEXO PA REKLAMA!

SHKARKO APP

App Store
Google Play

E fundit!

x

Qëllon me armë ndaj dy vëllezërve/ Autori arrestohet në flagrancë

22 Shkurt 2017, 09:21, Aktualitet CNA

Një shtetas është arrestuar në flagrancë, pasi ka qëlluar me armë në drejtim të dy vëllezërve.  Ngjarja ka ndodhur në fshatin Ushtelenxë, në Dibër.

Nga të shtënat me armë zjarri, fatmirësisht asnjë nga vëllezërit nuk është dëmtuar. Ka qënë shtetasi Veli Zebi, 48 vjeç, i cili ka qëlluar në drejtim të vëllezërve me inicialet B.N., dhe M.N. Këta dy të fundit po lëviznin në këmbë para banesës së Veli Zebit.

“Në sallën operative të Drejtorisë së Policisë Dibër, ka ardhur një telefonatë nga një banore e fshatit Ushtelenxë-Dibër, se në këtë fshat janë dëgjuar të shtëna armësh. Me të marë njoftimin, shërbimet e Drejtorisë dhe të Komisariatit të Policisë Dibër kanë shkuar në vendngjarje, dhe kanë konstatuar se
shtetasi Veli Zebi, ka qëlluar me armë zjarri nga kati i dytë i  banesës së tij në drejtim të shtetasve B.N, dhe M.N, (vëllezër), të dy banues në Durrës, të cilët po lëviznin në këmbë para banesës së këtij shtetasi.

Nga të shtënat me armë, nuk ka shtetas të lënduar. Nga hetimet e kryera nga grupi hetimor dyshohet se shkaku i konfliktit dyshohet të jetë një mosmarrëveshje e lindur më parë në lidhje me mos ndarjen në mënyrë të drejtë të lekëve të përfituara  si e persekutuar politike nga një e afërme e përbashkët e të dy palëve në konflikt”.

Në vendin e ngjarjes është sekuestruar një gëzhojë,  ndërsa po punohet për gjetjen e armës së zjarrit të përdorur nga shtetatsi V.Zebi. Gjatë kontrollit të banesës së shtetasit të lartëpërmendur janë gjetur dhe sekuestruar edhe  115 copë fishek luftarak.

Ndodhur në këto kushte, Specialistët për Hetimin e Krimit në Komisariatin e Policisë Dibër kanë bërë arrestimin në flagrancë të shtetasit Veli Zebi, 48 vjeç, banues në fshatin Ushtelenxë-Dibër.

Vijojnë hetimet për sqarimin e plotë të rrethanave të ngjarjes. Materialet proceduriale i kaluan Prokurorisë së Rrethit Gjyqësor Dibër,  për veprat penale ?Mbajtje pa leje e armëve luftarake? në banesë, ?Mbajtje pa leje të municioneve luftarake?, ?Kanosje?, ?Prishje e rendit dhe qetësisë publike?. /CityNews

 





Lajmet e fundit nga