PROTESTA, QYTETARË TË VENDIT TIM

13 Shkurt 2017, 10:42, Aktualitet CNA

Protesta paqësore deri tek mosbindja qytetare, është ushtrimi i mosdakordësisë në mënyrë demokratike. Kjo vetëm në perceptimin e veshtrim-qenit (bardh e zi) dhe optikës komuniste (ose me ne, ose palë me armikun), nuk funksionon. Për ta protesta i ben sherbime “armikut”.

Cilit armik? Jo shoku komunist, shoqja bolshevike, shoku “intelektual” shoku veteran i lindur mbas Luftës, ti shoku socialist dhe …ti shoqja opozitë. Në veçanti ti shoqja “opozitë” Protesta është ushtrim i demokracisë, ushtrim i të drejtës qytetare, demostrim i mosdakordësisë, për një a disa probleme të vendit a komunitetit, politike ose jo politike. Protesta sjell minimalisht ndryshime shoku komunist, po jo domosdoshmërisht përmbysje.

Shoqja opozitë…pak si vonë je zgjuar shoqja opozitë! E dimë mirë se nuk ke protestuar asnjë ditë publikisht, edhe kur je dhunuar, të është hequr fjala në mjediset e mbyllura të politikës, edhe kur të kanë rrahur, fyer. Edhe kur “debili” ka deklaruar në mediat e huaja se nuk ka sindikata në Shqipëri që nenkupton,se s’ka qytetarë, as opozite Edhe kur je tallur, sulmuar, edhe kur të është hequr e drejta e fjalës, minutazhi i fjalës ne mediat a fletushkat publike.

Edhe kur Ra-miu, Veli-u dhe Tahiri kanë rrahur, burgosur gjakosur e perdhunuar shoqërinë civile…edhe kur rrënjët e krimit zgjateshin mbi trupin e Shqipërisë. Nuk e dime shoqja opozitë pse nuk ke dalur në protestë deri më tani…nga “turpi” i numrave…? Skandaloze ta mendosh. Nuk protestohet vetëm për numra shoqja opozitë, po për dinjitet, dhe të drejtë. Edhe me tre numra, edhe vetëm me kryesinë, edhe vetëm me atë grusht e deputetësh… Shoqja opozitë, protesta do të kishte ndihmuar edhe “kokëderrin”, “pengun” e krimit që të qeveriste jo kaq rrënueshëm Shqipërinë.

Po ti linim menjanë retorikat e salloneve, kërleshjet e pëleshjet, rezulton se politikisht, keni qënë palë me këtë pushtet, me rilindjen e qelbëzimit. Shoku komunist, ti shoku veteran i lindur mbas mbas çlirimit, ti shoku socialist…,ti shoku intelektual me vështrim-qeni, dil në protestë, duhet mbrojtur Shqipëria nga kriminelët. Edhe ti shoqja opozitë meqe u zgjove nga letargjia,dil në protestë, udhëhiqe po të duash, po mos bëj gabim me numrat, se nuk janë të gjithë per ty aty. Janë për Shqipërinë./ Zef Zefi