web counter
LEXO PA REKLAMA!

SHKARKO APP

App Store
Google Play

E fundit!

x

Shqiptarët në Angli kampionë për të keq

13 Shkurt 2017, 10:24, Aktualitet CNA

Gazeta angleze ?The Guardian? më seriozja në Mbretërinë e Bashkuar dhe ndër më prestigjozet në botë në një artikull të saj trajtonte emigrantët ilegalë shqiptarë në Angli. (linku i shkrimit të botuar nga ?The Guardian? https://www.theguardian.com/uk-neës/2017/feb/08/albanians-caught-entering-uk-illegally-more-than-any-other-nationality). Gazeta theksonte se në periudhën 2008-2016 numri i shqiptarëve të kapur duke hyrë ilegalisht në Angli ishte dyfishi krahasur me numrin e klandestinëve të kapur të ndonjë kombësie tjetër.

Në periudhën në fjalë u kapën plot 981 shqiptarë, ndërsa tentonin të hynin ilegalisht në Angli nga toka (tuneli i La Manshit), nga deti (me jahte, peshkarexha e motorskafë të shpejtë) si dhe nga ajri (me avionë të linjave të pasagjerëve apo me avionë ultra të lehtë nga aeroportet gjermane).Grupi më i madh i shqiptarëve prej 50 personash përfshirë një grua shtatzënë u kapën në qershor 2015, ndërsa po tentonin të hynin në Angli të fshehur në karrocerinë e një kamioni, që vinte nga Franca.

Theksojmë se për të njejtën periudhë kohore u kapën vetëm 425 afganë hallexhinj, që vinin nga një vend i terrorizuar nga talebanët. Sic shihet numri i afganëve të kapur është më pak se gjysma e numrit të shqiptarëve, që tentuan të hynë si klandestinë në Angli në vitet 2008-2016.

Që nga 2 korrriku i viti 1990 e deri më sot, për thuajse një brez të tërë shqiptarët ikin nga sytë këmbët për një jetë më të mirë sesa ajo, që u afrohet në Atdheun e vet. Në vitn 1990 iknin për shkak të dështimit spektakolar të komunizmit dhe shkeljeve flagrante të të drejtave të njeriut. Më vonë iknin për shkak të tranzicionit të zgjatur e të vështirë apo edhe të anarkisë së vitit 1997.

Sot me të vërtet autoritet angleze e kanë të vështirë të kuptojnë pse shqiptarët ia mbathin masivisht nga Shqipëria, kur Atdheu i tyre ka thuajse 4 vjet, që ka hyrë në ?maternitet? në pritje për të ?rilindur?me ndihmën e mamisë së quajtur Edi Rama!/GJEGRJ THANASI





Lajmet e fundit nga