web counter
LEXO PA REKLAMA!

SHKARKO APP

App Store
Google Play

E fundit!

x

Akuzat ndaj Vlahutin/ Reagon BE

10 Shkurt 2017, 19:39, Aktualitet CNA

Bashkimi Europian ka reaguar pas akuzave ndaj ambasadores së BE-së në Tiranë, Romana Vlahutin.

Zëdhënësja për Punët e Jashtme dhe Politikat e Sigurisë, Politikat Evropiane të Fqinjësisë dhe Negociatat e Zgjerimit, Maja Kocijançiç, ka lëshuar një deklaratë në emër të BE-së, ku hedh poshtë akuzat dhe shpreh mbështetjen për ambasadoren Vlahutin.

?Bashkimi Evropian shpreh keqardhje për shpifjet që janë shfaqur në shtyp kundër Delegacionit të BE-së dhe Kreut të Delegacionit në Shqipëri, Ambasadores Romana Vlahutin. BE-ja shpreh besimin dhe mbështetjen e plotë tek Ambasadorja dhe gjithë i ekipi për përkushtimin dhe profesionalizmin e tyre.

Delegacioni do të vazhdojë, me përkushtim dhe në koordinim të ngushtë me institucionet e BE-së, ta shoqërojë Shqipërinë në reformën e saj të vështirë të shtetit ligjor për të vendosur një sistem gjyqësor të qëndrueshëm dhe të besueshëm, të cilin qytetarët e Shqipërisë e duan dhe e meritojnë.

Shqipëria është një vend kandidat, që siç konfirmohet nga raporti i Komisionit i nëntorit 2016, po bën progres të fuqishëm drejt BE-së dhe ne do të ofrojmë vazhdimisht mbështetjen tonë që ky vrull të vazhdojë?, thuhet në reagimin e BE-së.

Në mediat pranë PD-së, ditët e fundit janë shpeshtuar sulmet ndaj ambasadores Vlahutin, për shkak të angazhimit të fuqishëm të saj dhe të ambasadorit Donald Lu, për zbatimin e reformës në drejtësi.

Ajo është akuzuar se ka blerë një vilë luksoze, se është nën hetim nga BE, se mbështet Ramën, madje janë marrë edhe me bashkëshortin e ambasadores, pse nuk e pëlqen Donald Trump, duke e shpallur atë ?sorosian?.





Lajmet e fundit nga