web counter
LEXO PA REKLAMA!

SHKARKO APP

App Store
Google Play

Përplasja në qeveri/ LSI humbet një ministri

10 Shkurt 2017, 17:56, Aktualitet CNA

Përplasja mes dy aleatëve në qeveri, duket se do ti kushtojë LSI-së largimin e një ministreje. Bëhet fjalë për atë të Integrimit, Klajda Gjosha.

Ashtu si në rastin e Ylli Manjanit, edhe ministrja e Integrimit, Klajda Gjosha, nuk ka raporte të mira me kryeministrin Edi Rama.

CityNews ka raportuar më parë se kryeministri Edi Rama nuk flet prej kohësh me Klajda Gjosha. Sipas burimeve, Rama në disa raste ka ironizuar me Gjoshën në mbledhjet e qeverisë në momentin që ajo futej në sallë me fjalët: ?erdhi kukulla?.

Duket se marrdhënia jo e mirë mes Ramës dhe Gjoshës, do të çojë në largimin e kësaj të fundit. Në ndryshim nga rasti i Manjanit, Ministria e Integrimit nuk do të shkarkohet për tu emëruar dikush tjetër, por i janë hequr kompetencat.

Në fletoren zyrtare është publikuar një urdhër që mban datën 20 janar 2017, ku zëvendësministrja e Integrimit Europian, Eralda Çani e propozuar nga PS, do të zëvendësojë Klajda Gjoshën e propozuar nga LSI.

?Delegimin e kompetencave të titullarit të Ministrisë së Integrimit Europian, zëvendësministrit të Ministrisë së Integrimit Europian, znj. Eralda Çani,  për shkak të mungesës për arsye pune jashtë Republikës së Shqipërisë të titullarit të Ministrisë së Integrimit Europian.

Kompetencat e titullarit të Ministrisë së Integrimit Europian do të ushtrohen për periudhën nga data 23.1.2017 deri në datën 24.6.2017. Për zbatimin e këtij urdhri ngarkohet zëvendësministri i Ministrisë së Integrimit Europian, znj. Eralda Çani?, thuhet në vendimin e firmosur nga Klajda Gjosha.

 

Rama nuk flet me ministrat e tij/ Ja me cilin





Lajmet e fundit nga