web counter
LEXO PA REKLAMA!

SHKARKO APP

App Store
Google Play

Ekskluzive/ Priten arrestime masive në Policinë e Shtetit

10 Shkurt 2017, 17:17, Aktualitet CNA

Kultivimi i kanabisit është një nga çështjet më të nxehta të vendit. Mediat huaja dhe partnerët ndërkombëtarë kanë ngritur shpesh herë shqetësimin për kultivimin dhe transportin e kanabisit nga Shqipëria.

Por, një nga akuzat e forta është përfshirja e Policisë së Shtetit në kultivimin e kanabisit.

Disa ditë më parë, me urdhër të prokurorisë dy drejtues të policisë, në Vlorë dhe në Tepelenë u arrestuan për akuzën ?Favorizim për kultivimin e drogës?.

Në lidhje me mbjelljen dhe trafikun e drogës, Prokuroria e Përgjithshme ka nisur hetime të thella ndaj punonjësve të policisë.

Burime nga organi i akuzës thanë për CityNews se janë me dhjetra drejtues policie, të cilët ndodhen nën hetim për shkak se dyshohen se kanë favorizuar mbjelljen e kanabisit.

Të njëjtat burime theksuan se prokuroria ka një rakordim me Shërbimin Informativ Shqiptar për të identifikimin dhe më pas kanë nisur hetimet ndaj drejtuesve të policisë, të cilët kanë bashkëpunuar me kultivuesit e kanabisit.

Arrestimi i një numri të madh të punonjësve të policisë, që pritet të jetë mbi 50, rëndon jo pak edhe situatën e Ministrit të Brendshëm Saimir Tahiri në prag të zgjedhjeve parlamentare të 18 qershorit, por është edhe një goditje për vetë kreun e qeverisë Edi Rama./CityNews





Lajmet e fundit nga