web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Donald Lu/ Meta: Po të ishte një ambasador tjetër, do ishin të papranueshme

6 Shkurt 2017, 20:55, Aktualitet CNA

Kreu i Kuvendit Ilir Meta, i ftuar në emisionin Top Story të gazetarit Sokol Balla, foli ndër të tjera edhe për deklaratat e  forta të ambasadorit amerikan Donald Lu.

Ai tha se nëse do të ishte ambasadori i ndonjë vendi modest, shumë prej veprimeve do të ishin të papranueshme. Por, sipas tij në momentin që vendi ka vendosur që SHBA të jetë aleati strategjik, pranohen edhe kritika.

Sokol Balla: Thatë që reforma në drejtësi është pronë e shqiptarëve, por pati një sponsor të fuqishëm SHBA. Zoti Lu është një ambasador i posaçëm dhe e ka një të drejtë ekstra për të thënë diçka më shumë?

Patjetër. Ambasadori ka një vend të veçantë sepse Amerika ka një vend të veçantë në raportet tona. Të jeni të sigurt që po të ishte ambasadori i një vendi modest, shumë prej veprimeve dhe sjelljeve do të ishin të papranueshme. Por përderisa kemi vendosur që SHBA janë aleati ynë strategjik dhe ata kanë investuar mjaft për shqiptarët, ne padyshim që pranojmë edhe kritika, edhe publike. Kemi nevojë të përmirësohemi më tej, por asnjë ambasador nuk mund të zëvendësojë institucionet sepse nuk e ndihmon Shqipërinë që të ecë përpara dhe të ndërtojë institucione të qëndrueshme. Kontributi më i madh që mund të jepet është gjithmonë në partneritet. 





Lajmet e fundit nga