web counter
LEXO PA REKLAMA!

SHKARKO APP

App Store
Google Play

Majko reagon ndaj Qoses/ Propozimi është i gabuar

22 Janar 2017, 13:07, Kosova & Bota CNA

Deputeti socialist, Pandeli Majko, ka një kundërpërgjigje ndaj akademikut të njohur Rexhep Qosja, në lidhje me shkëmbimin e territoreve midis Kosovës dhe Serbisë.

Në reagimin e radhës në Facebook, deputeti shkruan se propozimin e tij e konsideron të gabuar.

“Rexhep Qosja padyshim është një cilësi e pandryshueshme kombëtare. Propozimin e tij për shkëmbim të territoreve midis Kosovës dhe Serbisë e konsideroj të gabuar.

Historia e re dhe e vjetër i kanë mësuar kombet se kufijtë nuk vendosen mbi dëshira kombëtare. Ato janë dhe mbartin garancitë ndërkombëtare.

Kufiri është serioziteti i çdo shteti për të respektuar fqinjin. Ai shpreh vullnetin për të respektuar rregullat ndërkombëtare që e bëjnë atë anëtar të Organizatës së Kombeve të Bashkuara.

Hapja e diskutimeve të tilla pas krizës së ?trenit? të provokimit serb nuk është i dobishëm. Tashmë ka një vullnet ndërkombëtar të shprehur për sovranitetin territorial të Kosovës.

Dëshirat janë njerëzore. Shteti ka qëllime. Nuk është e nevojshme që pikërisht tani, të ngrihet nga ata që i duan dhe nuk i duan shqiptarët pyetja ?Çfarë duan shqiptarët!??

Pasiguria në marrëdhëniet ndërkombëtare nxjerr të humbur palën që e nxit atë.

Me respektin maksimal për Rexhep Qosen, për një mik që koha nuk e ndryshon? Nga ai kam mësuar se serbët njohin vetëm ato kontrata që nuk e nxjerrin humbës”. /CityNews/

 





Lajmet e fundit nga