web counter
LEXO PA REKLAMA!

SHKARKO APP

App Store
Google Play

Kosovë/ Sërish rritje page për deputetët. Ja kush kundërshton

22 Janar 2017, 12:23, Kosova & Bota CNA

Pavarësisht  shpërblimeve që marin deputetët e  Kosovës, në bazë të projektligjit të ri për pagat të zotëruar nga ?REL? dhe të miratuar nga Qeveria e Kosovës, në nenin 19 është shtuar një pikë ku propozohet rritja e pagave për pjesëmarrje në seanca dhe komisione parlamentare, deri në 20 për qind të pagës bazë.

Referuar më konkretisht  këtij propozimi, deputetët do të marrin 300 euro për seancë. Por duket se jo të gjithë janë pro.

Është shoqëria civile si dhe disa deputetë të partive qoftë në qeveri, ashtu dhe në opozitë, të cilët kanë kundërshtuar këtë projektligj, pasi e konsiderojnë të padrejtë rritjen e pagave për këtë kategori.

Albert Krasniqi, nga ?IDK?, e konsideron të paarsyeshme çfarëdo rritje të të ardhurave të deputetëve.

?Paga mesatare vjetore e deputetëve është rreth 23 mijë euro, dukshëm më e lartë sesa paga mesatare në Kosovë, e cila është 360 euro, kurse për deputetët është 2.000 euro. Pra, flasim për pesëfishin e rrogës së deputetëve në lidhje me pagën mesatare. Zhvillimi ekonomik i Kosovës është shumë i ngadalshëm dhe çdo rritje e pagave të deputetëve do të duhej të lidhej me pagën mesatare?, ka deklaruar Krasniqi.

Nëse bëjmë një analizë të thjeshtë, deputetët e Kuvendit të Kosovës, përpos pagës mujore prej 1.500 eurosh gëzojnë edhe përfitime të tjera financiare për çdo aktivitet të tyre. Për dy seanca plenare gjatë muajit, ata marrin 240 euro të tjera, sikurse për pjesëmarrjen në mbledhjet e komisioneve parlamentare me plot 160 euro. Përafërsisht, të ardhurat mujore të deputetëve në total arrijnë ose tejkalojnë shumën prej 2.000 eurosh. /CityNews/





Lajmet e fundit nga