web counter
LEXO PA REKLAMA!

SHKARKO APP

App Store
Google Play

E fundit!

x

Thellohen përplasjet në mazhorancë/ Socialistët akuza Metës dhe Idrizit për presione, deputetët e LSI kërkojnë të dalin vetëm në zgjedhje

21 Janar 2017, 09:40, Aktualitet CNA

Thellohen përplasjet brenda mazhorancës qeverisëse. Deklaratat e dy eksponentëve të koalicionit qeverisës, kreu i PDIU, Shpëtim Idrizi dhe ministri i Drejtësisë, Ylli Manjani, i LSI, që këto forca politike të dalin të vetme në zgjedhje dhe më pas të mendojnë për koalicionet, kanë ngjallur reagimin e socialistëve. Deputetët e Partisë Socialiste kanë akuzuar Ilir Metën dhe Shpëtim Idrizin, se idenë për koalicione pas zgjedhore e kanë hedhur për t?i bërë presion partisë më të madhe në mazhorancë, PS, pasi atyre nuk u leverdis aspak të dalin të vetëm në zgjedhje.

Socialistët janë për koalicion parazgjedhor, meqenëse PS po qeveris me LSI dhe po bashkëpunon edhe me PDIU, ndërsa deklaratat e tilla i shohin për qëllime përfitimi. Deputeti Bujar Çela, edhe pse është për koalicion paszgjedhor, mendon se PDIU dhe LSI nuk kanë ndërmend të bëjnë aleanca pas zgjedhjeve, por i kanë thjesht presione.

?Unë jam për koalicion paszgjedhor dhe deri në ndryshimin e Kodit Zgjedhor, në mazhoritar-proporcional dhe për votim dhe numërim në qendrat e votimit, ku çdo qendër të jetë e monitoruar nga një kamerë vëzhguese. Të vegjlit që duan të dalin vetëm në zgjedhje e bëjnë për t?i matur pulsin të madhit para zgjedhjeve?, tha Çela.

Deputeti Sadri Abazi thotë se PS është e gatshme të bëjë koalicion parazgjedhor me PDIU dhe LSI, ndërsa shprehet se këto parti nuk do dalin të vetme në zgjedhje, sepse nuk u leverdis.

?Ata që duan të dalin të vetëm në zgjedhje u uroj suksese, por nuk besoj se do ta bëjnë. Unë mendoj se ne do ta vazhdojmë koalicionin me PDIU dhe LSI. Jemi për koalicion parazgjedhor. PDIU dhe LSI nuk u leverdis të dalin të vetme, por është e drejta e tyre?, u shpreh Abazi. Deputeti Namik Kopliku shprehet se nëse PDIU dhe LSI duan të dalin të vetme në zgjedhje, për PS nuk është problem i madh.

?Si deputet i PS preferoj që të hyjmë në zgjedhje në koalicion me LSI, PDIU dhe shumë parti të tjera. Nëse ndonjë parti tjetër mendon që të hyjë në zgjedhje e vetme apo në koalicion tjetër (besoj nisur nga taktikat e tyre elektorale), mendoj që nuk është ndonjë problem i madh. Ne nuk e kemi taktikë elektorale daljen në koalicion, por bashkim kontributesh në fushatë dhe në qeverisje?, u shpreh Kopliku. Ndërsa Arben Çuko shprehet se PS e ka bërë ofertën, që të shkojë me PDIU dhe LSI në zgjedhje. ?Unë jam në një linjë me kryetarin e PS, njëkohësisht kryeministrin Edi Rama, i cili ka ftuar dhe PDIU dhe LSI në një koalicion me tre bashkëkryetarë?, tha Çuko.

Deputetët e LSI

Pas propozimit të ministrit të Drejtësisë, në LSI ka edhe figura të tjera që mbështesin idenë për koalicione paszgjedhore. Deputeti i Lëvizjes Socialiste për Integrim, Përparim Spahiu, thotë se nuk duhet të ketë aleanca parazgjedhore, por ato të përcaktohen pas rezultatit zgjedhor të 18 qershorit. ?Unë jam për sistem zgjedhor proporcional-kombëtar pa aleanca paraprake dhe për lista të hapura?, u shpreh Spahiu. Ka edhe deputetë brenda LSI që janë për koalicion parazgjedhor. ?Për sa kohë që dy forca qeverisin bashkë duhet të shkojnë bashkë në zgjedhje dhe më pas do marrin verdiktin e popullit për atë çfarë kanë dhënë në katër vite?, tha deputeti Gjovalin Kadeli.





Lajmet e fundit nga