web counter
LEXO PA REKLAMA!

SHKARKO APP

App Store
Google Play

E fundit!

x

Trump pushon nga detyra 80 ambasadorë

20 Janar 2017, 19:51, Aktualitet CNA

Menjëherë pasi Donald Trump u betua si President i 45-të i SHBA-ve të gjithë ambasadorët amerikanë në botë të emëruar politikisht janë pushuar nga detyra pa pasur zëvendësues gati, shkruan ?The Independent?.

Gazeta Britanike kujton se Trump u kishte kërkuar ambasadorëve në çdo vend të botës, të cilët ishin emëruar nga ish-Presidneti Barak Obama, të linin postet e tyre deri më 20 Janar në drekë.

Skuadra e tij e tranzicionit tha më 23 Dhjetor se nuk do të kishte asnjë përjashtim për ambasadorët që do të kërkonin zgjatje të mandatit përtej ditës së inaugurimit.

Është diçka e zakonshme që ambasadorët e emëruar politikisht të dorëhiqen në fillim të mandatit të presidencës së re, por nuk është e zakonshme që zëvendësuesit të mos jenë gati.

Kështu janë pushuar rreth 80 ambasadorë në shtete dhe për çështje të ndryshme ? të tillë si ambasadori për çështjet globale të grave.

Kjo lëvizje rrezikon të lërë shumë vende, përfshirë edhe disa që kanë marrëdhënie delikate me SHBA-të, pa përfaqësues të konfirmuar nga Senati amerikan për muaj të tërë, raporton Klan

?The Independent?  thotë se kështu kanë mbetur pa ambasadorë Gjermania, Britania e Madhe dhe Kanadaja sikundër edhe aleatë të tjerë vendimtarë. Po ashtu pa përfaqësues të konfirmuar mbeten edhe shtete të tilla si Kina, India, Japonia dhe Arabia Saudite.

Ndërkohë, shumë pak emërime janë bërë deri më tani. Kështu, Guvernatorja e Karolinës së Jugut, Nikki Hayley është emëruar ambasadore në Kombet e Bashkuara duke zëvendësuar Samantha Power.





Lajmet e fundit nga