E fundit!

09:42 Aktualitet

Masat për sezonin veror/ Lamallari: Siguri më e lartë në destinacionet turistike

U prezantuan sot masat e marra nga Policia e Shtetit për g...

Blushi i përgjigjet Ramës/ I vjetër në ide, kërkon ti numërosh vetë votat

20 Janar 2017, 15:22, Aktualitet CNA

Deputeti i LIBRA-s Ben Blushi, ka komentuar sot deklaratat e kryeministrit Edi Rama, i cili u shpreh se numërimi eletronik i votave është aventurë e rrezikshme.

Përmes një postimi në rrjetet sociale, Blushi sqaron se pasi nuk bëri zgjedhje për kreun e PS, pasi grabiti mandatin dhe vodhi votat brenda partise, pasi e dha të gjithë shëndetësinë me koncesion dhe bëri deputet dhe kryetar bashkie cdo bandit me kollare, Rama kërkon ti numërojë vetë votat sepse makina elektronike gabon.

?Edi Rama paska thënë se numërimi elektronik i votave në Republikën tonë është një aventurë e rrezikshme. Dhe këtë pohim prej amatori profesionist nuk ja ka deleguar asnjërit prej dallëndysheve të Rilindjes, por e ka stërholluar vetë me laps, me bojë e kartë.

Pasi nuk bëri zgjedhje për shtatë vjet si Kryetar i Rilindjes, pasi grabiti nje mandat pa votim por me referendum,pasi vodhi votat e referendumit brenda partisë, i cili ende nuk ka rezultat, pasi dha gjithë shëndetësinë me koncesion, pasi miratoi ligjin e mbetjeve, pasi mbolli kanabis me leje në çdo cep, pasi bëri deputet dhe kryetar bashkie cdo bandit me kollare, pasi dëboi dyqind mijë shqiptarë në emigracion, pasi e ktheu energjinë në mall luksi, pasi rriti cmimin e gazit dhe të naftës, pasi e ktheu diplomacinë shqiptare në guidë turistike dhe pasi pasuroi dhjetë te pasur me taksa duke varfëruar 1 milion te varfër, thotë se votat e tyre do ti numërojë vetë pasi makina elektronike gabon më shumë se çdo numërues batakci?, shkruan ai

Blushi shprehet se Rama do të na bindë se numëruesi i tij nuk vjedh vota, por makina vjedh. Ai thekson se kryeministri është i vjetër në ide, i plakur në mendim dhe i gjorë në frikë.

?Beson se do të na bindë se numëruesi i tij nuk vjedh vota por makina vjedh, se numëruesi nuk fle, por makinën e zë gjumi, se numëruesi nuk lodhet por makina drobitet,se numëruesi punon pa drita por makina jo, se numëruesi nuk ha por makinën e merr uria, se numëruesi nuk pi por makina ka etje, se numëruesi sheh por makina është miope, se numëruesi nuk sëmuret por makinën e zë gripi, së numëruesi nuk plaket por makina ndryshket, se numëruesi nuk iken por makina zhduket, se numëruesin nuk e merr njeri në telefon por makina ia hap celularin kujtdo, se numëruesi llogarit kurse makina numëron. Cfarë mjerimi. Sa i vjetër në ide, sa i plakur në mendim, sa i gjorë në frikë, sa i mjerë në arsye. Dhe të mendosh se këtë e thotë dikush, që pasi hapi digën dhe shkaktoi përmbytje, thotë se hapja e cezmës është një aventurë!” përfundon deputeti