Nga Arian Galdini/ Soros, Shoqeria Civile dhe Shoqeria Senile...

20 Janar 2017, 15:11, Aktualitet CNA

Ne si shoqeri kemi kujtese flopidisku. Mbushemi me perditeshmerite tona dhe harrojme gjithcka te se djeshmes. Mbushja e fundit eshte edhe dijenia e debatit i rradhes. Prandaj, biem ne riperseritje, e rijetim te te njejtave modele, kriza, madje edhe me te njejtit protagoniste prej 25 – 26 vitesh. I gjithe ky rezultat, ky rrezim i kujteses e si rrjedhim edhe i reflektimit tone social, ka ardhur si pasoje e nje administrimi molekular qe i eshte bere metamortozes sone, nga shoqeri diktatoriale, ne nje shoqeri te lire. Pati disa aktore e faktore qe konkuruan a bashkepunuan me njeri – tjetrin, per paketen e kontrollit ne transformimin tone. Se pari, ka qene vete Byroja Politike e PPSH se bashku me Sigurimin e Shtetit, te cilet dorezuan emrat por jo pushtetet.

Pothuajse te gjithe drejtuesit politike te pluralizmit tone partiak, te gjithe sipermarresit e asaj kohe e ne vijim, te gjithe drejtuesit fetare edhe ata te sindikatave e shoqerise civile, te ardhur si nimetare, vinin nga strukturat e Partise se Punes dhe Sigurimit te Shtetit. Se dyti, kane qene Sherbimet Sekrete te vendeve fqinje dhe me gjere, konkurentet dhe bashkepunuesit ne procesin e transformimit. Shqiperia me pozicion gjeostrategjik si 4 urat e Shijakut, ka qene e mbetet nje fusheveprimi ku Sherbimet Sekrete fqinje dhe me gjere bejne Poker Spiunesh te parreshtur. Se treti, kemi Mafian dhe Krimin e Organizuar si pjeseberes aktive ne procesin e administrimit te transformimit tone shoqeror. Ka edhe te tjere aktore e faktore, por kane mbetur relativisht jo shume ndikues ose se paku jo per kohe te gjata. Ne gjithe kete Plan Administrimi, ka qene nje outsource (jashteburimor) qe ka lehtesuar dhe ka spekuluar pa piken e gajles ne 25 – 26 vite, duke ofruar para dhe ekspertize per te gjithe Administratoret e Transformimit.

Ky outsource ka qene qartesisht Fondacioni Soros. Kur Shqiperia endej mes Qeverise se Stabilitet qe po binte dhe jostabilitetit qe po pllakoste, e vetmja Fuqi qe mundesonte ne Shqiperi para per bursa studimi, udhetime, botime librash, trajnime, projekte, etj, etj, ishte Fondacioni Soros. Shteti shqiptar nuk kishte para as per te paguar police e doktore, e jo me te mbeshteste zhvillime profesionale njerezish te interesuar dhe aq me pak nismat e organizatat civile. Shume njerez u formuan, ngriten dhe lancuan, duke kaluar nga Ura Financiare e Fondacionit Soros. Shoqeria Civile lindi dhe u zhvillua nen kujdesin e posacem te Fondacionit Soros. Te gjitha keto ngriten nje infrastrukture te jashtezakonshme me burime njerezore, strukturore, akademike, politike dhe mediatike, te pangjashme e te pamatshme me cdo individ a strukture tjeter te lindur e zhvilluar larg a jashte Ures Financiare te Soros. Te gjithe keta njerez dhe te gjitha leto kapacitete financiare, akademike, politike, strukturore dhe mediatike, u ofruan nga Soros si sherbime mbeshtetese per Arministratoret e Transformimit te shoqerise shqiptare.

Dhe qe te kuptojme demin e madh, mjafton te shohim se cfare ka ndoshur ne keto 25 – 26 vite simbioze mes Administratoreve te Transformimit dhe Infrastruktures Soros. Te gjithe individet, njerezit e ndihmuar, mbeshtetur apo pelqyer nga Infrastruktura Soros, u perfshine ne cdo qelize te shtetit shqiptar, partive politike, shoqerise civile, komuniteteve fetare dhe botes akademike. Ata e kane si stigme dhe ndjesi komuniteti dhe solidariteti me njeri – tjetrin, gjurmen e Sorosit ne jeten e tyre. Ndaj jane bere me plan a pa plan, me qellim a pa qellim, si nje grup i mbyllur qe paraqet rrezik serioz per lirine, demokracine dhe meritokracine. Shoqeria Civile ka lindur si e vdekur. Asnjehere nuk u be realisht Shoqeri Civile.

Sikurse e kam shkruar edhe me pare, Shoqeria Civile nga nje thirrje, vokacion, misionarizem vullnetar e guximi qytetar, u krijua dhe u zhvillua si nje Sektor Punesimi qe funksionon vetem me para, shume para dhe me projeote hotelesh dhe komoditeti luksoz. Ndersa politika u be dembele dhe e vyshkur. Partite politike, duke mos e pelqyer demokracine e brendshme, u bene kliente besnike te Infrastruktures Soros, per te mbushur rradhet e tyre me intelektuale e fytyra te reja nga ata parafabrikatet qe pergatit nder vite Sorosi. Me pak fjale, transformimi yne u be kafkian… Nga shoqeri diktatoriale, ne nuk u beme shoqeri e lire. Ne u kthyem ne nje shoqeri te hapur. Shoqeria e hapur eshte pikerisht shoqeria pa kujtese. Sepse shoqeria e hapur, ne shkembim te lirise, nuk jep reflektimin dhe guximin qytetar, por celesin e infrastruktures Soros. Kush vjen nga Byroja Politike, Sherbimet Sekrete apo Krimi, ka lejehyrje vetvetiu. Te tjeret, ose duhet te kene celesin e infrastruktures Soros, per te hapur dyert, ose do shohin vetem dyer te mbyllura a perplasura turinjve.