web counter
LEXO PA REKLAMA!

SHKARKO APP

App Store
Google Play

E fundit!

x

Dekriminalizimi/ Zbardhen emrat e kryebashkiakëve që po hetohen nga prokuroria

20 Janar 2017, 18:14, Aktualitet CNA

Dy deputetë dhe një kryebashkiak kanë humbur mandatin si pasojë e mosdeklarimit të të dhënave në formularin e vetë-deklarimit në kuadër të ligjit të dekriminalzimit.

Burime nga prokuroria bëjnë me dije se dhjetra deputetë dhe kryebashkiakë po hetohen dhe verifikohen për vepra të ndryshme penale të padeklaruara në formular.

Së fundmi, mediat kanë raportuar se sektori i dekriminalzimit po heton dhe verifikon të dhënat për kryebashkiakun e Krujës, Artur Bushi i Partisë Socialiste, i cili është akuzuar edhe nga opozita për trafik droge.

Një tjetër kryebashkiak që po hetohet nga prokuroria është ai i Mallakastrës, Agron Kapllanaj i Partisë Demokratike. Në formularin e vetë-deklarimit Kapllanaj ka pranuar se ka qenë i dënuar në Itali për dokumente të falsifikuara të një makine. Ai u dënua me dy vite burg të pezulluar dhe me 200 euro gjobë.

Mësohet se sektori i dekriminalzimit po heton dhe verifikon të dhënat edhe për kryebashkiakun e Pogradecit, Eduart Kapri i Partisë Demokratike. Në formularin e vetë-deklarimit, Kapri nuk ka deklaruar dënime për vepra penale, por dyshohet se ai mund të ketë kryer kundërvajtje ligjore gjatë kohës që ka qenë emigrant në Gjermani në vitet 1993-1998.

Ditët e fundit, prokuroria ka intesifikuar hetimet dhe verifikimet për zyrtarë të lartë, deputetë dhe kryebashkiakë për të cilët ka të dhëna se kanë kryer vepra penale të ndryshme.  Organi i akuzës është kujdesur që të ruajë balancat politike për sa i përket dërgimit në KQZ të kërkesës për heqjen e mandateve të deputetëve dhe kryebashkiakëve.

Ashtu si në rastin e parë, kur prokuroria kërkoi heqjen e mandatit për funksionarë nga radhët e opozitës dhe qeverisë, edhe në vijim, pritet që të ndiqet e njëjta strategji.

Në sitën e prokurorisë janë disa dhjetra funksionarë që po hetohen dhe verifikohen, por në varësi të të dhënave që do zbulohen do të kryhet edhe kërkesa pranë KQZ për heqjen e mandateve./CityNews/





Lajmet e fundit nga