web counter
LEXO PA REKLAMA!

SHKARKO APP

App Store
Google Play

E fundit!

x

KORÇË/ E qëllon me armë gjahu, në kërkim autori

20 Janar 2017, 10:52, Aktualitet CNA

Blutë e Korçës kanë bërë të mundur identifikimin dhe shpalljen në kërkim të një shtetasi, pasi dyshohet se për motive të dobëta, ka qëlluar dy herë me armë gjahu në drejtim të banesës së një 38 vjeçari. Ky i fundit ndodhet nën kujdesin e bluzave të bardha, jashtë rrezikut për jetën.

?Në vijim të informacionit paraprak datë 19.01.2017, ju bëjmë me dije se specialistët e sektorit për Krimet e Rënda në Drejtorinë Vendore të Policisë Korçë, filluan procedimin penal si edhe bënë shpalljen në kërkim të shtetasit L.R, 31 vjeç, banues në fshatin Podgorie ? Maliq.

Procedimi ndaj tij filloi pasi më datë 19.01.2017, në fshatin Bulgarec – Korçë, dyshohet se ky shtetas për motive të dobëta, ka qëlluar dy herë (me armë gjahu) në drejtim të banesës së shtetasit V.F, 38 vjeç.

Për pasojë ky i fundit ka marrë dëmtime trupore në pjesën e përparme të trupit dhe aktualisht ndodhet në Spitalin e Korçës, jashtë rrezikut për jetën?.

Nga ana e policisë po punohet intensivisht për kapjen e autorit të dyshuar dhe vënien e tij përpara përgjegjësisë ligjore.

Materialet i kaluan Prokurorisë të Rrethit Gjyqësor Korçë, për veprat penale: ?Vrasja me paramendim, mbetur në tentativë?; ?Prodhimi dhe mbajtja pa leje e armëve të gjuetisë dhe sportive?. /CityNews/





Lajmet e fundit nga