web counter
LEXO PA REKLAMA!

SHKARKO APP

App Store
Google Play

Dekriminalizimi/ 30 deputetë në hetim nga Prokuroria

20 Janar 2017, 09:51, Aktualitet CNA

Parlamenti shqiptar ka rreth 30 deputetë, të cilët po hetohen dhe verifikohen nga prokuroria për precedentë penalë, të dënuar për trafik droge, prostitucion, vrasje etj.

Në kuadër të ligjit të dekriminalizimit,  pak ditë më parë, prokuroria i hoqi mandatin dy deputetëve, Shkëlqim Selami dhe Dashamir Tahiri dhe kryebashkiakut të Kavajës Elvis Rroshi.

Ndërkohë, rreth 30 deputetë të tjerë brenda parlamentit duket se janë vënë nën hetimin e prokurorisë, të dyshuar si persona me precedentë penalë, të cilët nuk e kanë deklaruar veprën në formularin e vetëdeklarimit.

Burime nga prokuroria thanë për citynews se organi i akuzës ka marrë në dorë dosjen për secilin prej deputetëve . Kjo nuk do të thotë se secilit prej tyre do ti hiqet mandati sepse hetimet e prokurorisë janë në fazën e verifikimit dhe ende nuk është marrë vendimi për dërgimin në KQZ të kërkesës për heqjen e mandatit.

Gati 20% e parlamentit rezulton të jetë e inkriminuar, me probleme të shumta që deputetët kanë pasur me ligjin vite më parë. Gjithçka vazhdon të jetë nën hetim dhe duket se vetë prokuroria nuk nxjerr emra, por tregohet e kujdeshme për të ruajtur balancën politike.

Ashtu si në rastin e parë, ku u zgjodhën politikanë nga të gjitha kampet politike, edhe në hetimet e tjera, mësohet se prokuroria do të publikojë nga një emër për forca politike si nga qeveria ashtu edhe nga opozita.

Disa prej deputetëve u është hequr mandati dhe gati 30 prej tyre tashmë janë në një proces hetimi dhe verifikimi nga prokuroria, por nga kjo listë, pritet që një pjesë e deputetëve të ?shpëtojë? për shkak të përfundimit të sesionit parlamentar. Në rast se partitë politike nuk do ti kandidonin në zgjedhjet e arshme parlamentare, hetimet e prokurorisë do ndërpriteshin. /citynews





Lajmet e fundit nga